Մերսինում Էրդողանին վիրավորելու հիմնավորմամբ մեկ տասնյակից ավելի մարդ է ձերբակալվել

Թուրքիայի նախագահ Ռեջեփ Թայիփ Էրդողանին վիրավորելու հիմնավորմամբ Մերսին քաղաքում ձերբակալվել են 13 մարդ: Ինչպես հաղորդում է «Արմենպրես»-ը, այս մասին տեղեկացնում է թուրքական Demokrathaber.net-ը:

Մերսինցիները մեղադրվում են մայիսի 1-ին իրականացված ցույցի ժամանակ Էրդողանին վիրավորող հայտարարություններ անելու մեջ: Ընդ որում, ձերբակալվածներից մեկն ընդամենը 13 տարեկան է: Նրանք արդեն տարվել են բաժանմունք ցուցմունք տալու: