Ադրբեջանն «աբիժնիկական» տարերքի մեջ է

Մեր ոչ բարով հարևանների մոտ շարունակվում են աբիժնիկական դրսևորումները: Երեկ մեծ եղբայր Թուրքիայից նեղացան՝ վիզային ռեժիմ մտցնելու մասին որոշում ընդունելու համար, այսօր էլ նեղացան մեծ եղբոր ավագ եղբորից՝ ԱՄՆ-ից: Այսինքն, ԱՄՆ-ից դեռ շուտ էին նեղացել՝ վերջին շրջանում իրենց հանդեպ վերաբերմունքի զգալի փոփոխության պատճառով, բայց իսկ «նեղացկոտությունը» նոր են սկսում արտահայտել: Ադրբեջանական կայքը գրում է Լեհաստանում ընդունված օրենքի մասին, որը սահմանափակում է այդ երկրում խոսքի ազատությունը, և չի զլանում այդ հարցում մեղադրել ԱՄՆ-ին՝ թե ինչու ԱՄՆ-ն պատժամիջոցներ չի կիրառում Լեհաստանի նկատմամբ:

Երևի թե 20-րդ դարում նոր ասպարեզում հայտնված այս երկիրը թյուրիմացաբար կարծում է, թե ԱՄՆ-ն պետք է հավասար աչքեչով նայի իրեն ու Լեհաստանին, որը արևմտյան գործընկերների շարքում, անշուշտ, անհամեմատ ավելի մեծ կշիռ ունի: Իսկ Ադրբեջանը լավագույն դեպքում կարող է միայն Թուրքիայի կրտսեր եղբայրը լինել, այն էլ՝ ստորադաս ու ոչ կարևոր վիճակում, քանի որ արդեն տեսանք, որ նույնիսկ Թուրքիայի համար ԵՄ-ի պահանջներն ավելի կարևոր են, քան Ադրբեջանը:

Կարեն Վարդանյան