ԱՄՆ-ը դեռևս չի բացահայտել Անկարայում պայթյունի մեղավորներին
Աշխարհ
Սպիտակ տունը հայտարարել է, որ դեռևս չեն բացահայտել, թե Անկարայում պայթյունն ովքեր են իրագործել:
Ինչպես հաղորդում է «Արմենպրես»-ը' վկայակոչելով թուրքական «Ջումհուրիեթ» թերթը, ԱՄՆ-ի պետքարտուղարության խոսնակ Ջոն Քիրբին ևս հայտնել է, որ Անկարայի ահաբեկչության մեղավորը ներկայում «բաց հարց» է հանդիսանում:
Թուրքիայի նախագահ Ռեջեփ Թայիփ Էրդողանը, վարչապետ Ահմեթ Դավութօղլուն և իշխող «Արդարություն և զարգացում» կուսակցության կառավարությունը հայտարարել են, որ հարձակման համար պատասխանատու են Քրդստանի աշխատավորական կուսակցությունը (PKK), սիրիացի քրդերի Ժողովրդի պաշտպանության ուժերը (YPG) և Դեմոկրատական միասնություն կուսակցությունը (PYD): Սակայն, PYD համանախագահ Սալիհ Մուսլիմը հերքել էր այդ պնդումները:
Էրդողանն ու Դավութօղլուն պնդել էին, որ հարձակման հեղինակը YPG-ի լինելը «բացահայտ» է, և կոչ էին արել ԱՄՆ-ին YPG-ին «ահաբեկչական» ճանաչել:
Անկարայում փետրվարի 17-ին թուրքական խորհրդարանի, զինված ուժերի գլխավոր շտաբի և զինվորական հանրակացարանի շենքերի մոտ տեղի ունեցած հզոր պայթյունի հետևանքով սպանվել է 28 (որից 20-ը' բարձրաստիճան ռազմական օդաչուներ), վիրավորվել 61 քաղաքացի:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
