Ինչպես են ընկնում «վտանգավոր ինքնաթիռները». «Բոինգ»-ների վթարները

Դոնի Ռոստովի օդանավակայանում մարտի 19-ի գիշերը վթարի է ենթարկվել «Fly Dubai» ավիաընկերությանը պատկանող «Բոինգ 737-800» օդանավը: Սա այս մոդելի ինքաթիռի վթարային վայրէջքի առաջին դեպքը չէ: Ինչպես հաղորդում է «Արմենպրես»-ը' հղում կատարելով «Lifenews»-ին, նման դեպք տեղի է ունեցել դեռևս 1972 թվականին: Այդ ժամանակից աշխարհում տեղի են ունեցել ավելի քան 70 ավիացիոն վթարներ «Բոինգ 737» ինքնաթիռների թռիչքի ժամանակ: Դրանցից 44-ի դեպքում վթարը տեղի է ունեցել վայրէջքի ժամանակ, 20-ի դեպքում' թռիչքի: Վթարների հիմնական խնդիրը եղել է վատ տեսանելիության պատճառով օդաչուների ոչ ճիշտ կողմնորոշվելը:

8 դեկտեմբերի 1972 թ. Չիկագո, ԱՄՆ: Ինքնաթիռը կտրուկ սկսել է ընկնել և բախվել է բնակելի տներին: 55 ուղևորներից 44-ը, ինչպես նաև ինքնաթիռի 6 հոգանոց անձնակազմի 3 անդամները մահացել են: Դրանից բացի, մահացել է նաև բնակելի տարածքում գտնվող երկու մարդ:

25 մայիսի 1982 թ. Բրազիլիա, Բրազիլիա: Վայրէջքի ժամանակ հորդառատ անձրև է եղել, և ինքնաթիռը, բախվելով գետնին, երկու մասի է բաժանվել: 112 ուղևորներից մահացել է 2-ը:

8 նոյեմբերի 1983 թ. Լուբանգո, Անգոլա: Ինքնաթիռը վթարի է ենթարկվել թռիչքուղոց 900մ հեռավորության վրա: Մահացել են անձնակազմի 5 անդամները և 126 ուղևորից' 121-ը:

8 սեպտեմբերի 1994 թ. Պիտսբուրգ,ԱՄՆ: Ինքնաթիռը վայրէջքի ժամանակ կորցրել է կառավարումը և վթարի ենթարկվել: Անձնակազմի 5 անդամները և 127 ուղևորները մահացել են:

5 մայիսի 1998, Անդոաս, Պերու: Վատ եղանակային պայմանների պատճառով ինքնաթիռի անձնակազմը չի կարողացել կառավարել այն և օդանավը բախվել է գետնին: Անձնակազմի 7 անդամներից 5-ը, 80 ուղևորներից 69-ը մահացել են:

14 սեպտեմբերի 2008 Պերմ, ՌԴ: Վայրէջքի ժամանակ անձնակազմը չի կարողացել ինքնաթիռը հասցնել թռիչքուղուն, և բախվել է օդանավակայանից 11 կմ հեռավորության վրա: Օդանավում գտնվող 88 քաղաքացիները, այդ թվում' անձնակազմի անդամները մահացել են:

25 հուվարի 2010, Բեյրութ, Լիբանան: Թռիչքից անմիջապես հետո օդանավը ընկել է միջերկրական ծով: Անձնակազմի 8 անդամները և 82 ուղևորները մահացել են:

16 օգոստոսի, 2010 Սան Անդրես Այլենդ, Կոլումբիա: Ուժեղ քամու պատճառով ինքնաթիռը չի կարողացել վայէջք կատարել և կայծակի հարված է ստացել: Դրա հետևանքով օդանավը բախվել է գետնին' բաժանվելով 3 մասի: Բարեբախտաբար, այս անգամ զոհերի թիվը 1-ն է եղել:

17 նոյեմբերի 2013, Կազան, ՌԴ: Վայրէջքի ժամանակ օդանավը դուրս է եկել թռիչքուղուց: Օդանավում եղել է 44 ուղևոր և անձնակազմի 6 անդամ: Բոլոր 50 անձինք էլ մահացել են: