Փոփոխություններ Չեմպիոնների լիգայի և Եվրոպայի լիգայի կանոնակարգերում
Սպորտ
ՈւԵՖԱ-ի պաշտոնական կայքը հայտարարել է Եվրոպայի լիգայի և Չեմպիոնների լիգայի կանոնակարգերում փոփոխություններ անելու մասին:
2018/19 թ-ի մրցաշրջանից սկսած, Եվրոպայի լիգայի հաղթողn իրավունք կստանա մասնակցել Չեմպիոնների լիգայի խմբային փուլի մրցաշարին (այժմ հաղթող ակումբը սկսում է փլեյ-օֆֆ փուլից): Ամենաբարձր վարկանիշն ունեցող 4 ասոցացիաների լավագույն չորս ակումբները միանգամից կստանան Չեմպիոնների լիգայի խմբային փուլին մասնակցելու իրավունք:
Ակումբների վարկանիշների նոր համակարգ է ձևավորվելու: Այսուհետ, ակումբների վարկանիշը կձևավորվի բացառապես սեփական արդյունքների հիման վրա, այսինքն` ասոցացիայի վարկանիշը այլևս չի ազդի ակումբի վարկանիշի վրա (եթե ակումբի վարկանիշը հինգ անգամ չի զիջում ասոցացիայի վարկանիշին): Գործակիցները հաշվարկելիս հաշվի են առնվելու նաև ակումբի պատմական ձեռքբերումները տվյալ մրցաշարում: Չեմպիոնների լիգայի և Եվրոպայի լիգայի հաղթողները կստանան լրացուցիչ միավորներ:
Կգործի ֆինանսների բաշխման քառաստիճան համակարգը (հիմնական վճար, արդյունքների համար պարգևավճարներ, անհատական գործակցի համար վճարներ և մարկետինգային վճարներ):
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
