ԱՄՆ-ի ծանր ռազմական տեխնիկա է ուղարկվել Վրաստան՝ համատեղ վարժանքների համար
ԱՄՆ
ԱՄՆ-ն ծանր ռազմական տեխնիկա է ուղարկվել Վրաստան՝ ՆԱՏՕ-ի հովանու ներքո Agile Spirit համատեղ զորավարժությունների համար, որոնք երկրում կանցկացվեն մոտ ժամանակներս:
Ինչպես տեղեկացնում է «Գրուզիա Online»-ին, ամբողջ տեխնիկան, որը գտնվում էր Բուլղարիայի Նովո Սելո զինափորձարանում, ԱՄՆ-ի ծովային հետեւակայինների կողմից հաջողությամբ բեռնվել է երկաթուղային շարժակազմ:
Տեխնիկան ներառում է տանկեր, «Համմերներ», յոթտոննանոց ռազմական բեռնատարներ, դեսանտային մեքենաներ եւ հրետանի: Այն Սեւ ծովով Վրաստան կհասցվի լաստանավերով:
Agile Spirit վարժանքներին կմասնակցեն Վրաստանի, ԱՄՆ-ի, Բուլղարիայի, Ռումինիայի, Լատվիայի, Թուրքիայի եւ Ուկրաինայի զինված ուժերի ներկայացուցիչները: Ավելի վաղ Վրաստանի պաշտպանության նախարարությունը հայտնել է, որ զորավարժությունները կանցկացվեն Թբիլիսիից ոչ հեռու գտնվող Վազիանիի եւ Օրփոլոյի զինափորձարանում:
Agile Spirit վարժանքներն ամեն տարի անցկացվում են 2011 թվականից: Դրանք ԱՄՆ-ի եւ ՆԱՏՕ-ի հետ Վրաստանի համագործակցության բաղադրիչներից մեկն են:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
