Հանցագործ աղջիկը խնդրել է փոխել իր անհաջող լուսանկարը հետախուզման հայտարարության մեջ

Ավստրալիայում բանտից փախած Էմի Շարպը պահանջել է փոխել այն լուսանկարը, որը 7 News Sydney հեռուստաալիքը Facebook-ում հրապարակել է իր հետախուզման մասին հայտարարության մեջ:

Հեռուստաալիքի գրառման մեջ նշվել է, որ ոստիկանությունը որոնում է 18-ամյա Շարպին, որը փախել է ուղղիչ հիմնարկությունից: Բացի հանցագործ աղջկա արտաքինի և հատուկ նշանների նկարագրություններից, հայտարարությանը կցել են նրա լուսանկարները, որոնք, դատելով ըստ ամենայնի, արվել են բանտում:

Հրապարակումը տեսել է նաեւ փախստականն ինքը, որը 7 News Sydney-ին խնդրել է լուսանկարները փոխարինել ավելի հաջողվածներով և նունիսկ առաջարկել է իր տարբերակը: «Խնդրում եմ օգտագործեք այս լուսանկարը, շնորհակալություն: Անկեղծորեն ձեր, Էմի Շարպ»,- գրել է նա:

Շարպի հայտարարությունը վարակիչ ժողովրդականություն է ձեռք բրել և հավաքել ավելի քան 62 հազար լայք և տասնյակ հազարավոր մեկնաբանություններ: