ԱՄՀ-ն համաձայնել է1,6 մլրդ եվրո հատկացնել Հունաստանին
Աշխարհ
Արժույթի միջազգային հիմնադրամի (ԱՄՀ) տնօրենների խորհուրդն սկզբունքային համաձայնության է հասել Հունաստանին 1,6 միլիարդ եվրոյի (1,8 միլիարդ դոլարի) չափով՝ օգնության հերթական մասնաբաժինը հատկացնելու շուրջը: Այս մասին ասված է Հիմնադրամի՝ հուլիսի 20-ին տարածված հայտարարության մեջ:
Հունիսին ԱՄՀ-ի կարգադրիչ-տնօրեն Քրիստին Լագարդը Խորհրդին կոչ է արել հավնություն տալու Հունաստանին հերթական վարկաբաժնի տրամադրմանը: Լագարդն այն ժամանակ նշել է «Հունաստանի կառավարության կողմից զգալի առաջընթացը քաղաքական բարենորոգությունների իրականացման գործում»: Նրա խոսքով՝ նաեւ առաջընթաց է արձանագրվել երկրի պարտքի բեռի ապահովման գործում:
Հունիսի կեսերին Եվրախումբը հասել է նախնական համաձայնության, որը թույլ կտա Հունաստանին տրամադրել մակրոֆինանսական օգնության հերթական մասնաբաժինը, որը պետք է կազմի 8,5 միլիարդ եվրո: Եվրոպայի կայունացման մեխանիզմի (ESM) ղեկավար Կլաուս Ռեգլինգը նաեւ հայտարարել է, որ Աթենքը «մակրոֆինանսական օգնության նոր մասնաբաժնով 7,7 միլիարդ եվրո առաջին վճարումը» կստանա «հուլիսի սկզբին», հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
