«Մանչեսթեր Յունայթեդ»-ն ու Մոուրինյուն նոր պայմանագիր կկնքեն

«Մանչեսթեր Յունայթեդ»-ը մտադիր է երկարաձգել պայմանագիրը ակումբի գլխավոր մարզիչ Ժոզե Մոուրինյուի հետ:

54-ամյա մասնագետի պայմանագիրը ակումբի հետ՝ ավարտվում է 2019թ-ի ամռանը, սակայն նոր պայմանագրի համար բանակցությունները պետք է սկսվեն նոյմեբերին: Այս մասին գրում է The Telegraph-ը:

Պայմանագրի երկարաձգումը կախված կլինի թիմի գրանցած արդյունքներից: Եթե անգլիական ակումբի ղեկավարությունը գոհ լինի, ապա նոր պայմանագիրը կկնքվի արդեն  եկող տարվա ամռանը:

Մոուրինյուի գլխավորությամբ մանկունիացիները  հաղթել են Եվրոպայի լիգայում,  Անգլիայի Սուպերգավաթը, Լիգայի գավաթը: ԱՊԼ-ի ըթնթացիկ առաջնությունում էլ զբաղեցնում են առաջին տեղը: