Եթե ԵՏՄ-ն չլիներ՝ միջնադարյան այդ զենքերով ինչպե՞ս էին կռվելու. Արմեն Ռուստամյան
Քաղաքական
ՀՀԿ-ի կոալիցիոն գործընկեր ՀՅԴ-ի համար վարչապետի թեկնածուի պաշտոնում ով կլինի՝ կարևոր չէ, քանի որ իրենք անձերով պայմանավորված ընտրություն չեն անելու: Այս մասին այսօր լրագրողների հետ զրույցում ասաց ԱԺ ՀՅԴ խմբակցության պատգամավոր Արմեն Ռոստամյանը:
«ՀՅԴ-ն պաշտպանելու է կոալիցիոն գործընկերոջ վարչապետի թեկնածուին, և քանի որ մենք կնքել ենք կոալիցիոն հուշագիր, ՀՅԴ-ն վարչապետի թեկնածու առաջադրելու իրավունք չունի: Ով կլինի այդ մարդը, մեզ համար կարևոր չէ, կարևորը՝ կարողանա էդ գործը նորմալ անել: Իսկ այդպիսի մարդիկ շատ կան»,-լրագրողների հետ զրույցում ասաց ՀՅԴ-ական պատգամավորը:
Վարչապետի հավանական թեկնածուի հարցի քննարկումից բացի, լրագրողները պատգամավորից հետաքրքրվեցին՝ ինչ կարծիք ունի ՀՅԴ-ն «Ելք» խմբակցության՝ ԵՏՄ-ից դուրս գալու նախագծի վերաբերյալ. Մենք դեմ ենք, Հայաստանն ունի անվտանգության մեկ երաշխավոր, դա ՀԱՊԿ-ն և ԵՏՄ-ն են: Մենք այլ տարբերակ չունենք:
Դիտարկմանը, որ Ապրիլյան պատերազմն ապացուցեց, որ այդ կառույցները մեզ համար անվտանգության երաշխավոր չդարձան, Արմեն Ռուստամյանը պատասխանեց. «Եթե ԵՏՄ-ն չլիներ՝ միջնադարյան այդ զենքերով ինչպե՞ս էին կռվելու»:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
