«Յունայթեդ»-ը PlayStation-ն էր խաղում, ինձ դա դուր չի գալիս. Մոուրինյուն՝ «Բազել»-ի դեմ խաղի մասին

«Մանչեսթեր Յունայթեդ»-ի գլխավոր մարզիչ Ժոզե Մոուրինյուն մեկնաբանել է իր թիմի ելույթը Չեմպիոնների լիգայի խմբային փուլի մեկնարկային տուրում:

Մանչեսթերյան ակումբը երեք անպատասխան գնդակ է ուղարկել «Բազել»-ի դարպասը:

«Շատ կարևոր է  սեփական դաշտում երեք միավոր վաստակելը: Մինչ հաշվի 2:0 դառնալը մենք կայուն ու վստահ խաղ էինք ցուցադրում: Սակայն  երկրորդ գոլից հետո թիմը դադարեց լրջորեն խաղալ և սկսեց սխալներ թույլ տալ: Դրա պատճառով կարող էինք խնդիրներ ստեղծել մեզ համար:

Սկսեցինք ֆենտեզի-ֆուտբոլ,  PlayStation-ի ֆուտբոլ խաղալ: Ֆուտբոլիստների նման հնարքները ինձ դուր չեն գալիս: Մրցակցին պետք է հարգել», —Մոուրինյուի խոսքը մեջբերում է BBC Sport-ը: