Արցախի ՊԲ-ում ավտովթարից զոհեր և վիրավորներ չեն եղել. Սենոր Հասրաթյանը հերքում է haqqin.az-ի լուրը

Արցախի ՊԲ տեղեկատվության և հասարակայնության հետ կապերի բաժնի պետ Սենոր Հասրաթյանն իր ֆեյսբուքյան էջում գրել է.

«Ալիևյան բռնապետական ռեժիմի տեղեկատվական կցորդ haqqin.az-ի կողմից երեկ տարածած հերթական գրառումն առ այն, թե իբր «Արցախի ՊԲ-ում տեղի ունեցած ավտովթարի հետևանքով մահացել է 8, վիրավորվել՝ 4 զինծառայող», ոչ այլ ինչ է, քան հանրությանը մոլորեցնելու հերթական քարոզչական հնարք: Տեղեկացնեմ, որ Արցախի զինված ուժերում որևէ նման միջադեպ չի գրանցվել, իսկ նշված անուն-ազգանունները մտացածին են»: