Ճիշտ եք անում, ճանապարհները դարձել են ահավոր վտանգավոր․ Միհրան Հակոբյան
Բլոգոսֆերա
ՀՀ ԱԺ պատգամավոր, ՀՀԿ-ական Միհրան Հակոբյանը գրում է․
Քանի որ վարորդներին «սթափեցնելու» համար իշխանությունը որոշել է 2000 տեսախցիկ տեղադրել, որպես ընդդիմադիր կարող եմ դրոշակ դարձնել նախկին ընդդիմության 2 տխրահռչակ փաստարկները.
1. Քրեականի հարցը լուծե՞լ եք, որ վարչական իրավախախտումների ոլորտում նման լուծման եք գնում։
2. Հերի՞ք չի երկրի ղեկավարի եղբորը ժողովուրդը հարստացնի։ Հերի՞ք չի ժողովրդին թալանեք։
Ասու՞մ էին չէ՝ Սաշիկի բիզնեսն է։ Պարզվեց, սուտ է։ Դե հիմա էլ կասենք Փաշինյանի եղբոր բիզնեսն է։ Ու թքած, որ վերջում կպարզվի՝ սուտ է։
Բայց չեմ անի։ Մինչև հիմա ձեր ասածների ու արածների ջախջախիչ մեծամասնությունը բացահայտ հիմարություն էր, իսկ այս քայլը՝ ակնհայտ ճիշտ որոշում։ Եվ քանի որ նախկին ընդդիմության ինտելեկտուալ և բարոյական մակարդակին չեմ ձգի, ուղղակի կարձանագրեմ՝ լավ է, որ սկսել եք հասկանալ պետության ու պետական կառավարման բնույթը։ Ճիշտ եք անում, ճանապարհները դարձել են ահավոր վտանգավոր, վերացրեք այս բարձիթողի վիճակը։
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
