Քննարկում՝ միջազգային փորձագետների և լրագրողների մասնակցությամբ

Նոյեմբերի 26-ին ՀՀ տնտեսական մրցակցության պաշտպանության պետական հանձնաժողովը, «ԵՄ թվինինգ» ծրագրի հետ համատեղ, Աղվերանում կազմակերպում է կլոր սեղանի ձևաչափով քննարկում՝ լրագրողների մասնակցությամբ: Քննարկման ընթացքում միջազգային փորձագետները կներկայացնեն սպառողների շահերի պաշտպանությունն ու մրցակցության կանոններն ԵՄ անդամ երկրներում:

Լիտվայից և Գերմանիայից ժամանած փորձագետներ պարոն Շարունաս Կեզերաուսկասը և տիկին Սաբինե Զիգելսկին կներկայացնեն ԵՄ օրենսդրությունն ու լավագույն փորձը՝ գերիշխող դիրքի չարաշահման, միաձուլումների վերահսկման, «ազատ մրցակցության» և սպառողների կրած վնասների փոխհատուցման ոլորտներում:

Կլոր սեղանի ձևաչափով կազմակերպվող միջոցառման ընթացքում փորձագետները լրագրողների հետ միասին կքննարկեն ՀՀ ՏՄՊՊՀ-ի կողմից ուսումնասիրված երկու գործեր: Բացի այդ, տեղի կունենա նաև քննարկում` «Մրցակցային մշակույթը Հայաստանում» թեմայով, որի ընթացքում կդիտարկվեն նաև լրագրողների մի քանի հրապարակումներ` ՏՄՊՊՀ գործունեության վերաբերյալ:

Միջոցառմանը ներկա կլինեն ՀՀ ՏՄՊՊՀ նախագահ պարոն Ա. Շաբոյանը և Հայաստանում ԵՄ պատվիրակության գործառական բաժնի ղեկավար պարոն Ժան Քրիստոֆ Գերանդը:

Միջոցառումը տեղի կունենա նոյեմբերի 26-ին, ժամը 10-ին, Աղվերան հյուրանոցում: 

Տեղեկացնենք, որ մրցակցությանն ու պետական օժանդակությանն առնչվող «Թվինինգ» ծրագիրը ֆինանսավորվում է Եվրոպական միության կողմից: Ֆինանսավորումը կազմում է 1.1 միլիոն եվրո:

Ծրագիրն իրականացում են ՀՀ տնտեսական մրցակցության պաշտպանության պետական հանձնաժողովը՝ ԵՄ երկու անդամ պետությունների` Գերմանիայի Դաշնային Հանրապետության էկոնոմիկայի և տեխնոլոգիայի դաշնային նախարարության, Լիտվայի Հանրապետության մրցակցության խորհուրդի հետ համատեղ՝ 2011-2013 թվականներին: