ՄԻՊ–ը օրենսդրական բացերի դեմ առաջարկում է պայքարել ինքնակարգավորման ինստիտուտը հզորացնելու միջոցով

Նոյեմբերի երեսունին «Ուրբաթ» ակումբում Մարդու իրավունքների պաշտպան Կարեն Անդրեասյանը պարզաբանումներ տվեց  Սահմանադրական դատարանի կողմից քաղաքացիական օրենսգրքում «Զրպարտության և Վիրավորանքի մասին» հոդվածի հաստատելու մասին։ Վերջինս պարզաբանեց, որ չի դիմել սահմանադրական դատարան՝ հոդվածը հակասահմանադրական ճանաչելու պահանջով, այլ՝ դրա սահմանադրականությունը ստուգելու խնդրանքով։

 «Ես կուզեի, որպեսզի Սահմանադրական դատարնը, հակասահմադարական ճանաչելով հոդվածը, մի հարվածող լուծեր բոլոր այսօր եղած գործերի խնդիրը, բայց չի կարելի մի քանի թերթերի գործով դրական լուծում ստանալու համար, այնպես անել, որ օրենսդրական դաշտում վակուում առաջանա»,– նշեց նա։ Օմբուդսմենը  ստեղծված  իրավիճակից դուրս գալու համար նախաշեց մեկ հիմնական ճանապարհ ստեղծված խնդիրները փորձել լուծել ինքնակարգավորման մարմնի միջոցով՝ դրանով նպաստելով այդ մարմնի դիրքերի ամրապնդմանը։ Ըստ մարդու իրավունքների պաշտպանի դա նաև կնպաստի դատարանին այս հարցով տրվողդիմումների նվազմանը։ Մարդու իրավունքների պաշտպանը նաև պատրաստակամություն հայտնեց աջակցելու օրենսդրական փոփոխություններին ուղղված գործողություններին։ «Կան մի շարք դրույթներ, որոնք ես կուզեի, որ հոդվածում պարզաբանվեին… օրինակ՝ որն է ստույգ պաստը, որն է հրապարակային արտահայտությունը, որոնք են ոչ ողջամիտ գործողությունները, որն է գերական հանրային շահը, հավասարակշռված և բարեխղճորեն արտահայտությունները», – մտահոգություն հայտնեց նա։  Մյուս հնչեցված մտահոգությունը վերաբերում էր օլիգարխների  ինքնակարգավորման ինստիտուտներ դիմելուն։ «Օլիգարխների դատարան դիմելուց հետ կպահի ամոթի զգացումը, լրատվամիջոցին սնանկացնելը ամոթ է»,– նշեց նա։