«Արմֆուդ»-ը դիմելու է դատարան
Իրավունք
«Մենք դիմելու ենք դատարան` պահանջելով անվավեր ճանաչել գյուղատնտեսության նախարարության սննդամթերքի անվտանգության ծառայության կողմից՝ ձեռնարկության գործունեության կասեցման մասին որոշումը և փոխհատուցել ընկերությանը պատճառված վնասը», - այսօր լրագրողների հետ հանդիպման ժամանակ ասացին «Արմֆուդ» ընկերության տնօրեն Բորիս Սողոմոնյանը և նրա փաստաբան Լևոն Բաղդասարյանը:
«Կաթի մեջ ստաֆիլակոկ բակտերիայի հայտնաբերման վերաբերյալ հայտարարություններն անհիմն են. վնասվել է ընկերության բարի համբավը, ինչպես նաև ընկերությանը պատճառվել է մեծ նյութական վնաս, որի չափերը ճշտվում են», - ասաց Լ. Բաղդասարյանը՝ կոչ անելով վարչապետին հսկողության տակ վերցնել այս հարցը:
Բ. Սողոմոնյանը նշեց, որ «իրենք կաթը ստուգման են ներկայացրել նաև առողջապահության նախարարության լաբորատորիայում, որը հերքել է ստաֆիլակոկի առկայությունը: Սննդի անվտանգության լաբորատորիան ցուպիկ է հայտնաբերել ստուգման տրված 2 շիշ կաթից միայն մեկում` այն դեպքում, երբ այդ երկու շշում էլ կաթ լցվել է նույն տարայից»:
Փաստաբանը հարցադրում հնչեցրեց. «Ի՞նչ նպատակ է սա հետապնդում. ընդամենը շոո՞ւ է, «Արմֆուդ»-ին շուկայից դուրս մղելու ցանկությո՞ւն, թե՞ ցուցանիշ ապահովելու ձգտում»:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
