ԿԽՄԿ-ն շարունակում է աջակցել Հայաստանին՝ կորոնավիրուսի դեմ պայքարում

Կարմիր խաչի միջազգային կոմիտեն (ԿԽՄԿ) շարունակում է արձագանքել Հայաստանի՝ նոր կորոնավիրուսային վարակով պայմանավորված կարիքներին՝ միաժամանակ իրականացնելով իր ընթացիկ մարդասիրական ծրագրերը։

2020 թ․-ի մարտից ի վեր՝ ԿԽՄԿ-ն կենտրոնացրել է իր աջակցությունը սահմանամերձ համայնքներում, ազատազրկման վայրերում, անհետաձգելի բուժօգնության և պաշտպանության ոլորտներում՝ շարունակելով գործել որպես չեզոք միջնորդ։ Այս մասին տեղեկացրին Հայաստանում ԿԽՄԿ պատվիրակությունից։ 

«ԿԽՄԿ-ն աջակցում է սահմանամերձ համայնքների հիվանդանոցների, հանրային և փրկարարական ծառայությունների և քրեակատարողական հիմնարկների կողմից իրականացվող կանխարգելիչ և ախտորոշիչ միջոցառումներին։ ԿԽՄԿ-ն նաև սերտ կապ է պահպանում սահմանամերձ համայնքների հետ՝ մշտադիտարկելու տեղի անվտանգության իրավիճակը և մարդասիրական կարիքները և համակարգելու արձագանքման աշխատանքները համապատասխան իշխանությունների հետ։ Իր հանձնագրի համաձայն՝ ԿԽՄԿ-ն շարունակում է այցելել Ղարաբաղյան հակամարտության առնչությամբ ազատազրկված անձանց՝ մշտադիտարկելու նրանց հանդեպ վերաբերմունքն ու ազատազրկման պայմանները և օգնելու նրանց կապ պահպանել իրենց ընտանիքների հետ: Ազատազրկվածների համար տարվող աշխատանքները համապատասխանեցված են COVID-19-ով պայմանավորված խստացումներին, և ԿԽՄԿ-ն առաջնորդվում է չվնասելու սկզբունքով՝ հաշվի առնելով պատկան մարմինների կողմից կիրառվող սահմանափակումները։

ԿԽՄԿ-ն սերտորեն համագործակցում է նաև Հայկական Կարմիր խաչի ընկերության (ՀԿԽԸ) հետ՝ աջակցելով արտակարգ իրավիճակին արձագանքմանն ուղղված վերջինիս գործողություններին։ Մասնավորապես, ԿԽՄԿ-ն ապահովում է Երևանի և մարզերի սոցիալապես անապահով հազարավոր մարդկանց աջակցության աշխատանքներում ներգրավված ՀԿԽԸ-ի անձնակազմին և կամավորներին անհատական պաշտպանության միջոցներով, ախտահանիչներով, կազմակերպության պատկերանշանով ու օգնում է արտադրել նոր կորոնավիրուսի վերաբերյալ հանրային իրազեկման նյութեր։

ԿԽՄԿ-ն անդրադառնում է սահմանամերձ բնակչության առաջնային մարդասիրական կարիքներին, կապ պահպանում Տավուշի, Արարատի, Վայոց Ձորի և Սյունիքի 24 սահմանամերձ համայնքների ղեկավարության և բնակչության հետ՝ տեղեկանալու նոր կորոնավիրուսով պայմանավորված խնդիրներին, հնարավոր հետևանքներին, կիրառվող միջոցառումներին և, հետևաբար, դիտարկելու հնարավոր միջամտությունը։

Ականից տուժած 416 ընտանիք Հայաստանի տարբեր մարզերից սննդի և հիգիենայի պարագաների փաթեթներ են ստացել ՀԿԽԸ-ի կողմից ԿԽՄԿ-ի մոբիլիզացման ջանքերի արդյունքում։ Դա հնարավոր դարձավ Հումանիտար ականազերծման և փորձագիտական կենտրոնի ու ՀՀ աշխատանքի և սոցիալական հարցերի նախարարության միջև սերտ համագործակցության շնորհիվ։

Ականից տուժածների 7 ընտանիք դրամաշնորհ են ստացել՝ եկամտի աղբուր, օրինակ՝ սննդի փոքր արտադրություն ստեղծելու նպատակով։ Բոլոր այս նախագծերը գնահատվել են՝ հաշվի առնելով համավարակային իրավիճակը։ ԿԽՄԿ գործընկեր «Ֆուլեր» տնաշինական կենտրոնի հետ համատեղ 10 անտոկոս վարկ է տրամադրվել նշված ընտանիքներին Սյունիքի, Գեղարքունիքի, Արարատի և Կոտայքի մարզերում՝ տների վերանորոգման համար։ 

60 պլանշետները, որոնք ս.թ. ապրիլի վերջին նվիրաբերել էինք Տավուշի, Վայոց Ձորի և Արարատի մարզերի սահմանամերձ 19 համայնքների խոցելի ընտանիքների երեխաներին, ապահովել են արդյունավետ և հասանելի հեռահար ուսումնառություն։ Այժմ դրանք ի պահ են տրվել տեղի դպրոցներին՝ հետագայում նույն նպատակով կամ ՏՏ առկա դասերին կիրառելու նպատակով։

ԿԽՄԿ-ն աջակցել է ՀՀ արտակարգ իրավիճակների նախարարության փրկարարների՝ համավարակի կանխարգելիչ աշխատանքներին Տավուշի սահմանամերձ համայնքներում՝ քաղաքացիական պաշտպանության 12 թիմերին տրամադրելով հանրային տարածքների ախտահանման համար ցողիչ սարքեր ու անհատական պաշտպանության միջոցներ, այդ թվում՝

ՀՀ պաշտպանության նախարարության խնդրանքով՝ ԿԽՄԿ-ն աջակցություն է տրամադրել Տավուշի, Գեղարքունիքի և Սյունիքի սահմանամերձ 3 զինվորական հոսպիտալներին՝ նվազեցնելու և կանխելու վարակի տարածումը անձնակազմի, բուժվող քաղաքացիական անձանց և զինվորականների շրջանում։

• Տարածքի ախտահանման պարագաներ․ 85 կգ քլոր, 8 ցողիչ,

8 հատակմաքրիչ, 1800 աղբի պարկ,

• Անհատական պաշտպանության միջոցներ և բժշկական արտահագուստ․ 36 բժշկական խալաթ, 60 բազմակի օգտագործման կոմբինեզոն, 600 մեկանգամյա օգտագործման խալաթ, 600 գլխարկ, 600 N95 շնչադիմակ, 30 դիմային վահանակ, 8800 բժշկական և 14 զույգ բանվորական ձեռնոց, 45 զույգ բժշկական ոտնաման, 11 զույգ երկարաճիտք կոշիկ,

Ձեռքերի հիգիենայի և ախտահանման միջոցներ․ 230 լիտր հեղուկ օճառ, 170 լիտր ախտահանիչ, 28 պատի բաշխիչ տարա։

ԿԽՄԿ-ն սերտորեն համագործակցել է համապատասխան պետական մարմինների և միջազգային կազմակերպությունների հետ` COVID-19-ի արձագանքման մեխանիզմները համակարգելու շրջանակներում: Այն փորձագիտական աջակցություն է տրամադրել պատրաստության, կանխարգելման ու արձագանքման միջոցառումներին ուղղված ուղեցույցների և պլանավորման փաստաթղթերի մշակմանը, որոնք ուղղված էին պետական հիմնական կառույցների կողմից բազմաբնույթ ոլորտներում օգտագործման համար:

Աջակցություն քրեակատարողական ծառայությանը

• ԿԽՄԿ-ն մասնակցել է COVID-19 համավարակին ՀՀ արդարադա-տության նախարարության արձագանքման ռազմավարությունների, գործողությունների պլանների ու ընթացակարգերի մշակմանը։
• ԿԽՄԿ-ն հայերեն է թարգմանել և ՀՀ արդարադատության նախարա-րությանը տրամադրել ՄԱԿ-ի կողմից մշակված «Ազատազրկման վայրերում COVID-19-ով պայմանավորված իրավիճակին պատրաստության և արձագանքման վերաբերյալ» տեղեկատվական փաթեթը, որը նախատեսված է ՔԿՀ ղեկավարության և անձնակազմի համար։
• ԿԽՄԿ-ն նախարարությանն է տրամադրել նաև ներկա պայմաններում ազատազրկման վայրերում հանձնուքների փոխանցման և ընդունման վերաբերյալ ուղեցույցի առաջարկները։

Աջակցություն շարունակական կրթությանը  

• Յունիսեֆի և ՀՀ կրթության նախարարության (ԿԳՄՍ) հետ՝ ԿԽՄԿ-ն վերջնականացրել է «Սեյվ դը չիլդրեն»-ի կողմից նախաձեռնած «Համավարակի կամ համաճարակի պայմաններում կրթության նվազագույն չափորոշիչների վերաբերյալ» ռազմավարական փաստաթուղթը, որը կիրառվելու է նախարարության, մարզային իշխանությունների, կրթական և հանրակրթական ծառայություններ մատուցողների կողմից ողջ Հայաստանում։
• ԿԽՄԿ-ն մշակել և ԿԳՄՍ-ին է տրամադրել «Սուղ ռեսուրսների պայմաններում ձեռքերի հիգիենայի վերաբերյալ» ուղեցույցի հայերեն տարբերակը, որը վերաբերում է հոսող ջուր և կոյուղի չունեցող կրթական հաստատություններում ձեռքերի լվացման պայմանների ստեղծման եղանակներին և կկիրառվի դպրոցների վերաբացման վերաբերյալ պետական ուղեցույցում»,- ասվում է հաղորդագրության մեջ։