Ջաբրայիլում բեկորային վնասվածք ստացած Վահեն փրկել է վիրավոր ընկերոջը և ոչնչացրել թշնամու 2 տանկ, 1 ՀՄՄ
Բլոգոսֆերա
Ջաբրայիլում բեկորային վնասվածք ստացած մեր հերոս Վահեն ոչնչացրել է թշնամու 2 տանկ, 1 ՀՄՄ ու մի քանի կիլոմետր անցնելով, վիրավոր ընկերոջը դուրս է բերել անվտանգ վայր: Այս մասին հաղորդագրություն է տարածել «Շենգավիթ» ԲԿ-ն:
«Լուսանկարի ժպտացող հերոսը հրետանավոր, շարքային Վահե Մինասյանն է: Ծառայությունն անցել է Արցախի Հանրապետությունում: Պատերազմի առաջին իսկ օրից եղել է Մեխակավանում ( Ջաբրայիլ) եւ իր զինակից, հերոս ընկերների հետ կենացմահու պայքար մղել առաջնագծում:
Շատ կարճ ժամանակում նա աչքի է ընկել իր խիզախությամբ, իսկ ռազմական գործողությունների ժամանակ ոչնչացրել է թշնամու 2 տանկ եւ 1 ՀՄՄ: Մի քանի կիլոմետր անցնելով, կարողացել է վիրավոր ընկերոջը դուրս բերել անվտանգ վայր, որից հետո իր զինակից ընկերների հետ նոր գրոհ են ձեռնարկել:
Հենց այդ ժամանակ էլ վիրավորվել է: Վահեին հասցրել են Սիսիանի ԲԿ եւ ցուցաբերել առաջինը բուժօգնությունը:
Այնուհետեւ Վահեին տեղափոխվել են «Շենգավիթ» ԲԿ, որտեղ նրա բուժմամբ զբաղվել է վնասվածքաբան-օրթոպեդ Արտաշես Գեւորգյանը: Առաջին իսկ օրից Վահեն ցանկություն ուներ վերադառնալ մարտի դաշտ, միանալ ընկերներին եւ շարունակել պայքարը հանուն խաղաղության: Այսօր Վահեն կազդուրվել է եւ պատրաստ է միանալու իր զինակիցներին:
#ՀԱՂԹԵԼՈՒ_ԵՆՔ»:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
