Խորապես անհարգելի, ապիկար եւ դիակի վերածված կառավարություն, Բերձորի մասին ի՞նչ եք ասում. Հակոբ Ճաղարյան

Հ վարչապետի նախկին խորհրդական Հակոբ Ճաղարյանը ֆեյսբուքյան իր էջում գրել է.

«Նորից հրատապ

Չորս օր առաջ, երեկոյան, ես Բերձորի մեր ընկեր Գոռ Մանուկյանից տեղեկություն ստացա, որ Նոյեմբերի 30-ին, 18.00 Բերձորը պետք է ազատված լինի հայերից, եւ հանձնվի թշնամուն:

Հիշեցնեմ, որ 5 կմ լայնությամբ միջանցքի գոտին եւ ճանապարհն անցնում են Բերձորով:

Մարդիկ պատրաստ էին արդեն լքել իրենց տները: Եվ խնդրում էին կազմակերպել իրենց ունեցվածքի տեղափոխումն անվտանգ վայր:

Մինչ հաջորդ կեսօր մենք կազմակերպեցինք մոտ 15 բեռնատար: Մասնակցեցին Համազգային հիմնադրամը, կամավոր անհատներ, վարձու մեքենաներ:

Հաջորդ առավոտյան հանձնարարական ստացան դադարեցնել տարհանումը, Բերձորը եւ հարակից 2 գյուղերը մնում է մեր վերահսկողության տակ:

Այսօր, Նոյեմբերի 30-ին, երեկոյան 17.00 (նախկինում նշված ժամից մի ժամ առաջ), նորից հրահանգ է ստացվում մինչեւ 18.00 լքել քաղաքն ու հարակից գյուղերը:

Մարդիկ էլ ոչ ժամանակ ունեն, ոչ էլ հնարավորություն տարհանվելու:

Նորից եմ կրկնում Նոյեմբերի 27-ին հնչեցրած պահանջս`

Խորապես անհարգելի, ապիկար եւ դիակի վերածված կառավարություն, Բերձորի մասին ի՞նչ եք ասում:

Երեք օր առաջ առանց ձեր միջամտության մենք կազմակերպել էինք մարդկանց եւ ունեցվածքի տարհանումը:

Հիմա Ի՞նչ ենք անելու:

Մի բան ասեք հոդաբաշխ:

Ի՞նչա լինելու մեր հայրենակիցների հետ:

Եթե էսօր պիտի տարհանեին, ինչու՞ նրանց խաբելով պահեցիք մինչեւ էսօր:

Հիմա էդ մարդկանց ո՞նց օգնենք:

Խոսացեք, մի բան ասեք, մնու՞մ են, թե՞ գիշերով մի բան փորձենք նախաձեռնել:

Էն ժամանակ մեր ձեռքին էր դեռ, վարորդներ ճարեցինք:

Հիմա ո՞նց էս գիշերով վարորդ գտնեմ, որ կգնա թուրքին հանձնած տարածք:

Ի՞նչ անեն տեղացիները»։