Ընդունելություն ՀՀ ոստիկանությունում
Իրավունք
Դեկտեմբերի 7-ին Ոստիկանության պետ, գեներալ-լեյտենանտ Վլադիմիր Գասպարյանն ընդունեց Իտալիայի Հանրապետության դեսպան Բրունո Սկապինիին:
Ողջունելով հյուրին՝ ոստիկանության պետը նշեց, որ հայ-իտալական բարեկամական հարաբերություններն ավանդական բնույթ են կրում, ինչն իր արտահայտությունն է գտել նաև ոստիկանական համագործակցության բնագավառում:
Ոստիկանության պետը հույս հայտնեց, որ գործընկերությունն ավելի կխորանա, քանի որ միայն այդպես կարելի է դիմակայել կազմակերպված հանցավորության մարտահրավերներին:
Բրունո Սկապինին գոհունակություն հայտնեց երկու երկրների ոստիկանական կառույցների համագործակցության արդի մակարդակի առնչությամբ՝ նշելով, որ փոխգործակցությունն առավել ակնառու է թրաֆիքինգի դեմ պայքարի, մի շարք ստորաբաժանումների միջև փորձի փոխանակման, կադրերի վերապատրաստման ոլորտներում:
Հանդիպման ընթացքում քննարկվեցին հետաքրքրություն ներկայացնող այլ հարցեր ևս:
ՈՒՂԻՂ ԵԹԵՐ
Ամենադիտված 
Վիճաբանությունն ավարտվել է ողբերգությամբ․ 22-ամյա երիտասարդը սպանել է մորն ու քրոջը, 11-ամյա քույրը ծանր վիճակում է
