Արձակագիր Արմեն Օհանյանը տարվել է 6-րդ վարչություն, հետո բաց թողնվել

Այսօր առավոտյան, ոստիկանության 6-րդ վարչության 7 աշխատակիցներ ներխուժել էին արձակագիր Արմեն Օհանյանի բնակարան և պահանջել հետևել իրենց՝ առանց որևէ բացատրության և ծանուցագիր ներկայացնելու: Հակառակ Արմեն Օհանյանի պնդումներին՝ նրան քաշքշելով տարել էին 6-րդ վարչություն:

Օհանյանն աշխատում է «Հայաստան» համահայկական հիմնադրամի հասարակայնության հետ կապերի բաժնում: Ըստ Օհանյանի՝ այն գործը, որի առնչությամբ բերման են ենթարկել իրեն, որևէ կապ չունի իր հետ, այլ կապված է իր ընկերների հետ: