Մարդու իրավունքների համընդհանուր հռչակագիրը 63 տարեկան է

1948 թ.-ի դեկտեմբերի տասին, ՄԱԿ-ի Գլխավոր ասամբլեայի երրորդ նստաշրջանի ժամանակ, 217 A (III) («Մարդու իրավունքների մասին միջազգային դաշնագիր») որոշմամբ՝ Փարիզի Շայո պալատում ընդունվեց ՄԱԿ-ի՝ Մարդու իրավունքների համընդհանուր հռչակագիրը:

Հռչակագիրը թարգմանվել է 375 լեզուներով ու բարբառներով և համարվում է իրավունքների առաջին գլոբալ սահմանումը, որով օժտված են բոլոր մարդիկ: Այն համարվում է Մարդու իրավունքների միջազգային օրինագծի մի մասը:

1950 թ.-ին, ի պատիվ Հռչակագրի, ՄԱԿ-ը հաստատեց Մարդու իրավունքների օրվան նվիրված տոնը, որը նշվում է դեկտեմբերի 10-ին:

ՀՀ «Մարդու իրավունքների պաշտպանի մասին» օրենքն ընդունվել է 2003 թ.-ի հոկտեմբերի 21-ին, ստորագրվել նույն տարվա նոյեմբերի 19-ին, իսկ ուժի մեջ է մտել 2004 թ.-ի հունվարի 1-ից։

2004 թ.-ի մարտի 1-ից Հայաստանի Հանրապետությունում Մարդու իրավունքների պաշտպանի պաշտոնն ստանձնել է Լարիսա Ալավերդյանը։ 2006 թ.-ին նրան փոխարինել է Արմեն Հարությունյանը, իսկ այժմ ՀՀ-ում ՄԻՊ պարտականությունները կատարում է Կարեն Անդրեասյանը։