Քաղաքացին List.am-ի միջոցով ապօրինի կերպով ծխախոտ է վաճառել. ՊԵԿ
ՏեսանյութերՊետական եկամուտների կոմիտեն բացահայտել է List.am-ի միջոցով ապօրինի կերպով ծխախոտի վաճառքի դեպք։ Այս մասին տեղեկանում ենք ՊԵԿ պաշտոնական կայքից։
«Պետական եկամուտների կոմիտեի հետաքննության և օպերատիվ հետախուզության վարչության դիտակետում է հայտնվել համացանցի միջոցով անօրինական առևտրի հերթական փորձը:
List.am կայքում քաղաքացին առանց օրենքով սահմանված պետական գրանցման կամ առանց հարկային մարմնում հաշվառման, զբաղվել է պարտադիր դրոշմավորման ենթակա չդրոշմավորված ապրանքների, այս դեպքում՝ ծխախոտի իրացմամբ»,-նշված է ՊԵԿ-ի հաղորդագրության մեջ։
Մասնավորապես, List.am կայքում «Suren» օգտատիրոջ դրսևորած վարքագիծը կասկած է հարուցել վարչության ոլորտի աշխատակիցների մոտ: Նրանք հետախուզական միջոցառման շրջանակում գնել են 98 000 դրամի տարբեր տեսակի արտասահմանյան արտադրության ծխախոտ:
Կոմիտեն հորդորում է զերծ մնալ առանց պետական գրանցման կամ առանց հարկային մարմնում հաշվառման ձեռնարկատիրական գործունեության իրականացնելուց։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
