Վերջին վեց ամիսներին միայն Աջափնյակում 34 ինքնակամ կառույց է ապամոնտաժվել. խոսնակ
ՏեսանյութերՆախօրեին՝ հունիսի 25-ին, քաղաքապետ Հայկ Մարությանի կարգադրությամբ միայն Աջափնյակում եւս ապօրինի կառույց է ապամոնտաժվել: Այս մասին ֆեյսբուքյան իր էջում գրել է քաղաքապետի խոսնակ Հակոբ Կարապետյանը, ով կից նաեւ տեսանյութ է հրապարակել:
Նա, մասնավորապես, նշել է. «Քաղաքապետարանին ապամոնտաժման ընթացքում մեծապես աջակցում են ՀՀ ոստիկանության ուժերը՝ պահպանելով հասարակական կարգը քանդման աշխատանքների ընթացքում:
Հիշեցնեմ, որ վերջին շաբաթվա ինտենսիվ ապամոնտաժումներից առաջ, վերջին վեց ամիսներին միայն Աջափնյակում 34 ինքնակամ կառույց է ապամոնտաժվել:
Որպես միջանկյալ դիտարկում. ինքնակամ կառույցների սեփականատերերը այս օրերին հաճախ դժգոհում են, թե «մենք դիմել ենք քաղաքապետարանին՝ շինթույլտվություն ստանալու համար, քաղաքապետարանը չի տվել, դրա համար ստիպված ինքնակամ ենք կառուցել»:
Ներեցեք, բայց դա մոտավորապես նույնն է թե ինչ-որ մեկից ուզես իր մեքենան եւ, չստանալով իր համաձայնությունը, առևանգես մեքենան, հետո, որպես արդարացում, ասես՝ «ես ուզեցի, ինքը չտվեց, ես էլ ստիպված գողացա»։
Քաղաքային իշխանությունն է համայնքի սեփականությունը տնօրինում եւ տալիս շինթույլտվություններ, և պետք է ցանկացած պարագայում ստանալ քաղաքային իշխանության թույլտվությունը»:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
