Վիետնամցի «Տարզանը» 41 տարի ապրել է ջունգլիներում և չգիտի` ինչ է կինը

Հո Վան Լանգը Վիետնամի պատերազմի սարսափներից փախչելուց հետո 41 տարի ապրել է ջունգլիներում և սովորել հոգ տանել իր մասին` կառուցելով ապաստարաններ, ուտելով անտառային կենդանիներ և ապրելով վայրի բնության գրկում: Այս մասին հաղորդում է The Mirror-ը:

Նշվում ,է որ նրա որդին, ով իր հոր հետ Վիետնամի անտառներում 41 տարի ապրել է «լիովին մեկուսացված», չի իմացել կանանց գոյության մասին:

Հո Վան Լանգի արտասովոր պատմությունն սկսվել է այն ժամանակ, երբ նա փախել է քաղաքակրթությունից 1972 թ.-ին Վիետնամի պատերազմի ժամանակ` ականատեսը լինելով, թե ինչպես է ամերիկյան ռումբը սպանում իր մորը և երկու եղբայրներին:

Լանգը, նրա եղբայր Տրին և հայրը բնակվել են ջունգլիների խորքում՝ Քուանգ Նգայի նահանգի Թայ Տրա շրջանում:

Եռյակը տարիներ շարունակ ապրել է վայրի բնության գրկում՝ ուտելով մեղր, մրգեր և անտառային կենդանիներ, կառուցելով ապաստարաններ:

Լուսանկարիչ Ալվարո Սերեզոն, ով 2015 թվականին հետևել է ընտանիքին, ասել է. «Նրանք միշտ փախչում էին, երբ հեռվից տեսնում էին մարդկանց»:

Նշվում է, որ ընտանիքն այժմ ապրում է վիետնամական մի փոքրիկ գյուղում` Սերեզոյի տանը: Կայքի հաղորդմամբ` երբ Լանգին հարցրել են, թե արդյոք գիտի ինչ է կինը, նա պատասխանել է, որ իր հայրը երբեք չի բացատրել իրեն դրա մասին: 

«Զարմանալին այն է, որ այսօր, չնայած նա կարողանում է տարբերակել տղամարդկանց և կանանց, սակայն դեռ չգիտի նրանց միջև էական տարբերությունը», - ասել է Սերեզոն:

«Ես կարող եմ հաստատել, որ Լանգը երբեք չի ունեցել նվազագույն սեռական ցանկություն»,- նշել է լուսանկարիչը: