«Մանչեսթեր Յունայթեդը» համաձայնության է եկել Սանչոյի տրանսֆերի շուրջ

«Մանչեսթեր Յունայթեդը» համաձայնության է եկել Դորտմունդի «Բորուսիայի» հետ Անգլիայի հավաքականի ֆուտբոլիստ Ջադոն Սանչոյի տրանսֆերի շուրջ, հաղորդում է Sky Sports-ը: Աղբյուրի համաձայն՝ գործարքը կկազմի 85 միլիոն եվրո: Համաձայնեցվել է նաև անձնական պայմանագիր 21-ամյա կիսապաշտպանի հետ։ Սանչոն ՈւԵՖԱ ԵՎՐՈ -2020-ից հետո կմիանա «Մանչեսթեր Յունայթեդին»: Սանչոն «Ուոթֆորդի» ու «Մանչեսթեր Սիթիի» շրջանավարտ է, բայց ֆուտբոլիստը իր մեծահասակների կարիերան սկսել է «Բորուսիայում»՝ 2017-ին: Այդ ժամանակից ի վեր՝ նա դորտմունդյան թիմում անցկացրել է 137 պաշտոնական հանդիպում, որոնցում դարձել է 50 գոլի հեղինակ: Անգլիայի հավաքականը քառորդ եզրափակչում անցավ ՈՒԵՖԱ-ի ԵՎՐՈ -2020 և կմրցի ուկրաինական թիմի հետ մրցաշարի կիսաեզրափակիչ դուրս գալու համար: Հանդիպումը տեղի կունենա հուլիսի 3-ին՝ Հռոմում, և կմեկնարկի Երևանի ժամանակով՝ 23: 00-ին: