Գիտնականները պարզել են, թե ինչպես են զուգավորվել դինոզավրերը

Գիտնականները կարծում են, որ մողեսների որոշ ֆիզիկական հատկություններ ծառայել են զուգընկերոջը գրավելու համար, tsn.ua-ի փոխանցմամբ` գրում է BBC-ն: Հարցը, թե ինչպես են դինոզավրերը զուգավորվել, հուզում է հնէաբաններին: Փորձագետներն առաջ են քաշում բավականին տարօրինակ վարկածներ այն մասին, թե ինչպես են բազմացել Երկրի ամենամեծ մողեսները: Դինոզավրերը բնակվել են մեր մոլորակի վրա 150 միլիոն տարի և վերացել են մոտ 66 միլիոն տարի առաջ: Այս կենդանիները չափերով և տեսքով շատ էին տարբերվում, բայց քանի որ դրանք գոյություն են ունեցել այդքան երկար ժամանակ, ուրեմն պարզ է, որ հեշտությամբ էին բազմանում: Պարբերականը գրում է, որ դրա համար դինոզավրերի զույգերը ստիպված էին միմյանց հետ բառացիորեն «ձուլվել»:

Դինոզավրերը, որոնք շարժվել են երկու ոտքերի վրա, ստիպված են եղել ինչ-որ կերպ հավասարակշռվել սեռական հարաբերությունների ընթացքում: Հետազոտողները կարծում են, որ, օրինակ, տիրանոզավրը կարողացել է բռնվել «կնոջ» մեջքից իր փոքրիկ վերին վերջույթներով:

Վարկած կա, որ այս դինոզավրերը զուգավորվել են, որպես կանոն, ծանծաղ ջրի մեջ, քանի որ ջրի մեջ ավելի հեշտ է պահպանել հավասարակշռությունը:

Այնուամենայնիվ, այլ մասնագետներ նշում են, որ եթե կենդանիները կարողացել են պահել իրենց մարմնի քաշը, ապա նրանք կարող էին դիմանալ նաև կարճ զուգավորման ընթացքում: Դիպլոդոկի «կինն», ակնհայտորեն, պոչը մի կողմ է տարել` ճիշտ այնպես, ինչպես կոկորդիլոսներն են անում, իսկ արուն մյուս կողմից սեղմվել է նրան:

Հնարավոր է` որոշակի ֆիզիկական հատկություններ ծառայել են զուգընկերոջը գրավելու և մրցակիցներին վախեցնելու համար: Գլխի շուրջ օձիքը, եղջյուրները և երկար պարանոցները դինոզավրերը կարող էին օգտագործել սիրահետել ժամանակ:

Դինոզավրերը կարող էին օգտագործել այդպիսի «զարդերը» սելեկցիայի համար: Բրախիոզավրերի երկար պարանոցը, հավանաբար, նրանց օգնում էր մրցակիցների հետ մարտերում:

Իսկ եղջյուրավոր մողեսները, օրինակ՝ պախիրինոզավրերը, կռվում էին իրենց եղջյուրներով, ինչպես դա անում են նրանց հետնորդները` խոյերն ու եղջերուները:

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել «Օրական 12-13 անգամ». Նատալյա Շտուրմն անկեղծացել է հայ տղամարդու հետ իր սիրավեպի մասին Տղամարդկանց զգուշացրել են երկար ժամանակ սեռական հարաբերություններ չունենալու վտանգների մասին Բժիշկը պատմել է, թե ինչպես կարելի է բարձրացնել տղամարդկանց ֆերտիլությունը