Իսրայելի հարվածների հետևանքով Լիբանանում 23 մարդ է զոհվել

Շաբաթ օրը իսրայելական ավիահարվածների հետևանքով Լիբանանում զոհերի թիվը հասել է 23-ի, վիրավոր է 93 մարդ, ՌԻԱ Նովոստիի հաղորդմամբ՝ հայտնում է Լիբանանի առողջապահության նախարարությունը։

Նշվում է, որ հարվածները հասցվել են հիմնականում հարավային Լիբանանի քաղաքներին ու գյուղերին։

Հոկտեմբերի 6-ին Իսրայելի ռազմաօդային ուժերը հարձակում են գործել Բեյրութի հարավային արվարձանում գտնվող լիբանանյան «Հեզբոլլահին» պատկանող զենքի պահեստների և ենթակառուցվածքների վրա։ Իսրայելական բանակը պնդում է, որ «Հըզբոլլահը» միտումնավոր է տեղակայում իր զենքի արտադրության օբյեկտները և զենքերը Բեյրութի կենտրոնում գտնվող բնակելի շենքերի տակ։