Տղամարդկանց զգուշացրել են երկար ժամանակ սեռական հարաբերություններ չունենալու վտանգների մասին

Ուրոլոգ-անդրոլոգ Արթուր Բոգատիրևն ասել է, որ կանոնավոր սեռական կյանքի բացակայությունը կարող է հանգեցնել պրոստատիտի (շագանակագեղձի բորբոքում)։ Այս մասին նա զգուշացրել է «Գազետա.ռու»-ի հետ զրույցում։

Ինչպես նշել է Բոգատիրևը, բակտերիալ պրոստատիտի հիմնական սադրիչներից են վարակները, որոնք շագանակագեղձ են ներթափանցում հիմնականում չպաշտպանված սեքսի ժամանակ։ Խրոնիկ ոչ բակտերիալ պրոստատիտի պատճառների թվում բժիշկը նշել է որոշ նյարդային խանգարումները, սթրեսը, անհանգստությունը, դեպրեսիան, հորմոնալ փոփոխությունները։

Բացի այդ, հիվանդության զարգացում կարող է սկսվել շագանակագեղձի վնասվածքների պատճառով՝ ճնշման, վիրաբուժական միջամտությունների կամ արյան անբավարար մատակարարման արդյունքում, շարունակել է Բոգատիրևը։ Նաև, ըստ նրա, ոչ բակտերիալ պրոստատիտը հաճախ առաջանում է սեռական հարաբերությունից երկարատև ձեռնպահ մնալու դեպքում։ «Շագանակագեղձի բորբոքման պատճառները կարող են լինել տարբեր և անհատական ​​յուրաքանչյուր հիվանդի համար: Ուստի այս հիվանդության ախտանիշների առկայության դեպքում պետք է անհապաղ դիմել ուրոլոգին, որը կօգնի ճշգրիտ ախտորոշում կատարել և նշանակել արդյունավետ բուժում»,- եզրափակել է ուրոլոգը։