Սրբազանը` Աճապահյանի մասին հնչող վիրավորանքների մասին

Դադարեցրեք Միքայլ արքեպիսկոպոս Աջապահյանի հասցեն վիրավորանքները, ես դա ընդունում եմ իբրև խոսքեր՝ ուղղված անձամբ ինձ։ Այս մասին լրագրողների հետ զրույցում ասել է Բագրատ արքեպիսկոպոս Գալստանյանը՝ մեկնաբանելով Շիրակի թեմի առաջնորդի նկատմամբ հնչած քննադատությունները։ 

«Մենք կարող ենք ունենալ գաղափարական տարաձայնություններ, սակայն թիրախը մեկն է։ Այս ներկա-նախկին կեղծ ծուղակը ստեղծել են, որ այդ ցանցից դուրս չգանք։ Հիմա Միքայել Սրբազանի նկատմամբ ես ունեմ մեծ հարգանք, նա իմ ուսուցիչն է, մենթորն է։ Իմ մասին էլ է որոշակի բաներ ասել, իհարկե, չեմ ընդունում, բայց չի նշանակում, որ պետք է անցնեմ վիրավորանքների։ Բա ինչո՞վ ենք այս խուժանից, խուլիգանից տարբերվում», - նկատել է նա։ Բագրատ Սրբազանը նաև հավելել է, որ վերջին անգամ նա Միքայել Սրբազանի հետ խոսել է մեկ ամիս առաջ։ 

Հիշեցնենք, որ Միքայել Սրբազանը ավելի վաղ հայտարարել էր, թե Սրբազան շարժման ձախողումներից մեկը «նախկին նախագահների ստվերն էր», որ երևաց այս ընթացքում։

Սևակ Հովհաննիսյան