10-ամյա աղջիկը մահացել է ծերությունից (լուսանկարներ)

Ուկրաինայի Վիննիցա մարզի բնակչուհի տասը տարեկան Իրա Խիմիչը մահացել է ծերությունից: Երեխայի մահվան մասին հայտնել է նրա մայրը ֆեյսբուքյան իր էջում: «Իրան մահացավ: Նրա սիրտը երեկ կանգ առավ: Ներիր ինձ, սիրելիս, որ այս անգամ չկարողացա քեզ փրկել»,-գրել է կինը: Աղջիկը տառապում էր «Պրոգերիայից»՝ հազվագյուտ գենետիկ, անբուժելի հիվանդություն, որը հայտնի է նաև որպես «Հաթչինսոն-Գիլդֆորդի համախտանիշ»:

Բժիշկները ախտորոշել էին Իրայի մոտ այս հիվանդությունը, երբ նա դեռևս հինգ տարեկան էր: Դրա հետևանքով՝ մաշկի և ներքին օրգանների մեջ տեղի են ունենում փոփոխություններ, որոնք առաջանում են մարմնի վաղ ծերացումից։ Երեխան մի քանի ամիս նորմալ զարգանում է, բայց հետո նրա ծերացումը զգալիորեն արագանում է:  Մեկ տարվա ընթացքում «Պրոգերիայով» տառապողները կարող են կենսաբանորեն ծերանալ տասը տարով: Մանկական «Պրոգերիայի» դեպքում կյանքի միջին տևողությունը 13 տարի է: