«Մենք կվերադարձնենք այն, ինչ իրավամբ մեզ է պատկանում». ադրբեջանցի ԿՎՆ-շիկը աչք է դրել Երևանի վրա

«Ուրախների և հնարամիտների ակումբի» (КВН) «Տղաներ Բաքվից» թիմի անդամ Բահրամ Բագիրզադեն հիմա էլ աչք է դրել Երևանի վրա: Նա Ինստագրամի իր էջում օկուպացված հայոց բերդաքաղաք Շուշիից լուսանկար է հրապարակել և գրառում կատարել`  մ.թ.ա. 782 թվականին հիմնադրված ՀՀ մայրաքաղաքն անվանելով «ադրբեջանական» և հայտարարելով, թե «կվերադարձնեն» այն:

Բագիրզադեի գրառումը ներկայացնում ենք ստորև.

«Մանկուց երազել եմ այցելել Իրևան: Մայրս ինձ շատ բան է պատմել կարմիր տուֆից կառուցված այս առասպելական գեղեցիկ ադրբեջանական քաղաքի մասին, որտեղ ժամանակին բնակվում էին իմ հարազատներ Քաջարներն ու Աֆշարները, ովքեր Հարավային Ադրբեջանից տեղափոխվել էին Իրևան: Ինձ հատկապես դուր եկան բերդի մասին պատմությունները, որը կանգնեցվել է 1515 թվականին Ադրբեջանի Սեֆյան կայսրության տիրակալ Շահ Իսմայիլ I Սաֆավի հրամանով:

Աստված տա, երբ ճանապարհները բացվեն, և հնարավոր լինի ապահով ճանապարհորդել, ես անպայման կայցելեմ իմ նախնիների ադրբեջանական այս հինավուրց քաղաքը: Անհամբեր սպասում եմ այն ​​պահին, երբ իմ աչքերով կտեսնեմ բերդեր, պալատներ, մզկիթներ, մինարեթներ, քարավանատներ, բաղնիքներ, կամուրջներ, ադրբեջանական մահլա և հրապարակներ: Մենք կվերադարձնենք այն, ինչ իրավամբ մեզ է պատկանում, ինչը կառուցել և կանգնեցրել են շատ ադրբեջանցիների սերունդներ: Իրևանը սպասում է իր ժառանգներին: Եվ ես երազում եմ հանդիպել այս ադրբեջանական քաղաքի հետ»:

Այս թեմայով ՀՀ տարածքում երբեք ադրբեջանցիներ չեն ապրել, իսկ Ալիևը խոսում է նրանց՝ Հայաստան վերադարձի մասին. Թանդիլյան Ադրբեջանցի զինծառայող Բայրամով Մուսան մահացել է հրազենից արձակված կրակոցից Հետախուզման մեջ գտնվող ադրբեջանցի գործարարը կալանավորվել է Ըմբշամարտի Մ20 ԱԱ. Աշոտ Խաչատրյանը հաղթել է ադրբեջանցի մրցակցին և դուրս եկել եզրափակիչ Ըմբիշ Աշոտ Խաչատրյանը հաղթել է ադրբեջանցի մրցակցին և դուրս եկել աշխարհի առաջնության եզրափակիչ փուլ