Թբիլիսիում տեղի ունեցած ցույցերի ընթացքում ավելի քան 100 մարդ է բերման ենթարկվել

Վրաստանի ներքին գործերի նախարարությունը հայտարարել է երեքշաբթի օրը Թբիլիսիում անցկացված ցույցերի ընթացքում խախտումների համար ավելի քան 100 մարդու ձերբակալելու մասին: Ինչպես հայտնի է, երեքշաբթի օրը Թբիլիսիի կենտրոնում՝ խորհրդարանի շենքի դիմաց, անցկացվեց լռության ցույց քաղաքական գործիչների և հասարակական կազմակերպությունների ներկայացուցիչների մասնակցությամբ, ովքեր երկուշաբթի օրը աջակցություն հայտնեցին սեռական փոքրամասնությունների հակառակորդների ցույցի ժամանակ վիրավորված ավելի քան 50 լրագրողների: Միևնույն ժամանակ, ԼԳԲՏ համայնքի հակառակորդները և ավանդական արժեքների կողմնակիցները հավաքվել էին մոտակայքում գտնվող տաճարի մոտ: Նրանց միջև ստեղծվել էր ոստիկանության պարսպապատ և երկաթյա ցանկապատեր: Եկեղեցու դիմաց բողոքարարները մի քանի անգամ փորձել էին ճեղքել ոստիկանական շղթան, քարեր ու շշեր նետել ցուցարարների ուղղությամբ, ինչի արդյունքում՝ ոստիկանները բերման էին ենթարկել ավելի քան 100 մարդու:

Հուլիսի 1-ին Թբիլիսիում մեկնարկեց «Արժանապատվության շաբաթ», որի ընթացքում ԼԳԲՏ համայնքի ներկայացուցիչները մի շարք միջոցառումներ անցկացրին: Եզրափակիչ «Արժանապատվության երթը» պետք է տեղի ունենար երկուշաբթի օրը: Բախումների արդյուքնում՝ ավելի քան 50 լրագրող վիրավորվեց: Ավելի ուշ՝ երթը չեղյալ հայտարարվեց: