Կանայք կարող են տղամարդու դեմքից հասկանալ` արդյոք նա պատրաստ է պատահական սեքսի կամ հարաբերությունների. գիտնականներ
ԱյլՄաքուորի համալսարանի ավստրալացի գիտնականները եկել են այն եզրակացության, որ կանայք կարող են ճշգրիտ որոշել տղամարդու` մեկանգամյա սեռական հարաբերություն կամ լուրջ հարաբերություններ ունենալու պատրաստակամությունը, հայտնում է PsyPost-ը: Դրա համար բավական է, որ նրանք պարզապես նայեն լուսանկարին:
Հետազոտողները հարցազրույց են վերցրել ավելի քան հարյուր կամավորներից: Նրանցից պահանջվում էր ասել, թե որքան բաց են պատահական հարաբերությունների համար: Դրանից հետո նրանց լուսանկարները ցուցադրվել են հակառակ սեռի 65 ներկայացուցչի, ովքեր յուրաքանչյուր լուսանկարում պետք է գնահատեին անձի սեռական վարքը:
Պարզվել է, որ կանայք ի վիճակի են ճշգրիտ նշել հետազոտության այն մասնակիցներին, ովքեր փնտրում են պատահական հարաբերություններ: Տղամարդիկ իրենց հերթին չեն կարողացել կանանց լուսանկարներն ուսումնասիրելուց հետո կրկնել նույն բարձր արդյունքները:
Ուսումնասիրության արդյունքում գիտնականները եկել են այն եզրակացության, որ տղամարդիկ, ովքեր նախընտրում են միանվագ սեքս, ավելի հավանական է, որ ունենան ուժեղ բարձր և լայն ճակատ, ավելի երկար դեմք և քիթ, քան մնացածները, ինչպես նաև մեծ աչքեր: Մասնագետներին չի հաջողվել պարզել կանանց դեմքի հատկությունների և նրանց նախասիրությունների միջև կապը: