Զանգեզուրը մեր նախնիների հողն է, և մենք մեր սեփական հողում ենք. Ալիևը համաձայն չէ «վիճելի տարածքներ» արտահայտության հետ
ԱդրբեջանԱդրբեջանը կշարունակի ամրապնդել իր դիրքերը Հայաստանի հետ սահմանին, ասել է Ադրբեջանի նախագահ Իլհամ Ալիևը: Այս մասին հաղորդում է Սպուտնիկ Ադրբեջանը:
Հիշեցնելով, որ Եվրոպական խորհրդի նախագահ Շառլ Միշելը Երեւան կատարած այցի ժամանակ սահմանային տարածքները «վիճելի» է անվանել, Ալիեւն ընդգծել է, որ համաձայն չէ այդ արտահայտության հետ:
«Ես համարում եմ, որ դա Զանգեզուրի տարածքն է: Իսկ Զանգեզուրը մեր նախնիների հողն է, և մենք մեր սեփական հողում ենք», - ասել է նա AzTV- ին տված հարցազրույցում:
Նրա խոսքով` նույն հարցը քննարկվել է Միշելի` Բաքու կատարած այցի ժամանակ:
«Ես փորձեցի նրան բացատրել, որ մենք հասել ենք մեր սահմանները: Ինչու ենք եկել միայն մայիսին: Քանի որ ձյունը հալվել է: Դրանից հետո մենք վերցրինք անհրաժեշտ բարձունքները, տեղավորվեցինք դրանց վրա, ամրացվեցինք այնտեղ և կամրապնդվենք», - շեշտել է նա:
Ադրբեջանի ղեկավարը հայտարարել է, թե «Հայաստանը չի կարողանում հաշտվել հետպատերազմյան իրականության հետ»:
«Նրանց, հավանաբար, ժամանակ է պետք նոր իրականությանը ընտելանալու համար»,- հավելել է Ալիևը:
Ադրբեջանի նախագահը իմաստուն քայլ է անվանել նաև այն, որ Եվրոպական խորհրդի ղեկավարը Բաքվում չի օգտագործել «կարգավիճակ», «Լեռնային Ղարաբաղ» բառերը:
«Մենք գնահատում ենք դա, և Հայաստանը դրանից դաս պետք է քաղի: Չկա կարգավիճակ, չկա Լեռնային Ղարաբաղ », - շեշտեց Ալիևը: