«Իմ տղա, քեզ պես որդի ունեցողն օրհնյալ է». Նազենի Հովհաննիսյանի հուզիչ շնորհավորանքը Ավետ Բարսեղյանի 41-ամյակին

Երգահան, բանաստեղծ, ՀՀ մշակույթի վաստակավոր գործիչ Ավետ Բարսեղյանն այսօր նշում է 41-ամյակը: Այդ առթիվ դերասանուհի, հաղորդավարուհի Նազենի Հովհաննիսյանը շնորհավորական գրառում է արել սոցցանցերի իր էջերում:

«Մենք հող ու ջուր ենք, այդքան տարբեր ու այդքան նույնը, իրար հետ, իրար համար: Ավետի սիրտը վարած հողի պես է. բարու և սիրո սերմեր ցանես ու ջրես, միշտ սիրո ծառեր, դրախտային պտուղներ ու հաց կաճեն՝ իր գրի պես կյանք տվող հաց: Թե ժամանակին չջրես, տատասկոտ ու չոր կդառնա, ճաք կտա, կտխրի:

Ավետ ջան, իմ բարեբեր ու բանասեր, բանաստեղծիդ անսպառ սիրտը միշտ տեղ ունի սիրո ու ներումի, ու այդպես էլ տեղ չունեցավ չարի ու նվազկոտի համար, բամբասչու ու տկարի համար: Լայն ես, սահմաններից անդին ու հավերժ բարի բերք տվող, ստեղծող:

Ծնունդդ շնորհավոր իմ տղա, քեզ պես որդի ունեցողն օրհնյալ է, քեզ պես ընկեր ունեցողը՝ օրհնված ու բախտավոր, քեզ պես հայրենակից ունենալը՝ անհրաժեշտություն:

Հ. գ. Քեզ շնորհավորելիս այդպես էլ չսովորեցի կարճ գրել, դու «կարճ»- ի մեջ տեղավորվողը չես ախր, քո պարագիծը վերջ չունի, անսահմանների մեջ ծնված ջան, շնորհավոր»,- գրել է դերասանուհին:

Նշենք, որ Ավետն ու Նազենին երկար տարիներ է, ինչ ընկերներ են: Նրանք միասին են ներկայացել տարբեր նախագծերում: Նազենին միշտ շեշտում է՝ ուրախ է Ավետին խորությամբ ճանաչելու համար, և որ նա իսկական ընկեր է: 

Այս թեմայով Լինել Երուսաղեմում, տեսնել օվկիանոսը... Նազենի Հովհաննիսյանը՝ կյանքում առաջնային անելիքների մասին Էս գիշերը անքունի ու անտունի գիշերն է. Նազենի Հովհաննիսյանի արձագանքը «տուն» դարձած Եռաբլուրին «Որքան տարբեր է հայացքը պատերազմից առաջ ու հետո․․․ աչքերը, զգացածդ ու սերը»․ Նազենի Հովհաննիսյան Նազենի Հովհաննիսյանի սպորտային լուքը «Կոմիտասի վրա տեսնես ինչի՞ ծով չկա». Նազենի Հովհաննիսյանը` լողազգեստով