Գիտնականները հայտնել են ամբողջ աշխարհում բնական աղետների պատճառը

Աշխարհում վերջերս տեղի ունեցած բնական աղետները կլիմայի գլոբալ  փոփոխության արդյունք են, որը դժվար թե կանխելու հնարավություն լինի, հաղորդում է Bloomberg-ը:

Ինչպես նշում է գործակալությունը, ԶԼՄ-ներում ավելի ու ավելի հաճախ է հայտնվում տեղեկատվություն Արևմտյան Եվրոպայում և Չինաստանում ջրհեղեղի, ԱՄՆ-ում և Կանադայում ջերմային ալիքների, Սիբիրում բռնկված հրդեհների, ինչպես նաև Թուրքիայում և Հյուսիսային Աֆրիկայում 50 աստիճան ջերմաստիճանի մասին գրառումներ: Այս ամենը տեղի է ունենում Հարավային Աֆրիկայի և Բրազիլիայի բոլոր ժամանակներում գրանցված ամենացածր ջերմային ֆոնին:

Գերմանացի օդերևութաբան Յոհաննես Կվաասի խոսքով՝ գլոբալ կլիման անմիջապես չի արձագանքում փոփոխություններին։ Այսօր նկատվող իրադարձությունները արտանետումների արդյունք են, որոնք մի քանի տասնամյակ առաջ մթնոլորտ են մտել: Այսպիսով՝ նախաարդյունաբերական շրջանի համեմատությամբ՝ մոլորակն արդեն տաքացել է 1,2 աստիճանով:

Միևնույն ժամանակ, Bloomberg-ը գրում է, որ նույնիսկ եթե մարդկությունը կատարի վնասակար նյութերի կրճատման պահանջները, միևնույն է, տաքացումից խուսափել հնարավոր չէ։ Հաջորդ դարասկզբին Երկրագնդի ջերմաստիճանը կբարձրանա 0,3-0,8 աստիճանով:

Գիտնականները նշում են, որ անհնար է ճշգրիտ կանխատեսել գլոբալ կլիմայի փոփոխության տեմպի նվազումը՝ չնայած նախորդ ուսումնասիրությունների ճշգրիտ արդյունքներին։