«Սա պատերազմ է». Մարգարիտա Սիմոնյանը պահանջներ է ներկայացրել Ռուսաստանի իշխանություններին

Ամերիկյան YouTube հարթակը անվերադարձ ջնջել է ռուսական պետական ​​RT հեռուստատեսության գերմանալեզու երկու ալիք: Այս մասին իր Telegram ալիքում գրել է այս լրատվամիջոցի գլխավոր խմբագիր Մարգարիտա Սիմոնյանը: Նա այս գործողությունները անվանել է Գերմանիայի կողմից Ռուսաստանի դեմ սկսված լրատվամիջոցների պատերազմ և կոչ արել Ռուսաստանում արգելել գերմանական ԶԼՄ-ները:

Նրա խոսքով` YouTube RT DE ալիքը գերմանալեզու ամենաազդեցիկ չորրորդ լրատվամիջոցն է: Նա այս տվյալները մեջբերում է Tubular Labs-ին հղումով: Այսպիսով, 2021 թվականի հունիսին ալիքը հավաքել է 21 միլիոն դիտում:

Բացի այդ, Սիմոնյանն ասել է, որ Լյուքսեմբուրգը հրաժարվել է հեռուստաալիքին լիցենզիա տրամադրել՝ Գերմանիայի իշխանությունների դիրքորոշման պատճառով:

«Սա իսկական մեդիա պատերազմ է, որը Գերմանիա պետությունը հայտարարել է Ռուսաստան պետության դեմ: Շատ եմ ակնկալում, որ իմ հայրենի երկիրը, առանց հապաղելու, Ռուսաստանում կարգելափակի Deutsche Welle-ին և գերմանական այլ լրատվամիջոցներին, ինչպես նաև կփակի ARD-ի և ZDF-ի գրասենյակները: <...> Գոնե ինքնահարգանքից ելնելով՝ մենք պետք է դա անենք»,-ասել է գլխավոր խմբագիրը:

Նաև, նրա կարծիքով, անհրաժեշտ է պատժամիջոցներ կիրառել YouTube- ի նկատմամբ: