Հարսանիքից երեք օր առաջ աղջիկը թունավոր կոնֆետներ է ուղարկել իր նախկին սիրեցյալին ու վերջինիս հարսնացուին
ԱյլԲրազիլիայից 35-ամյա Դիոն Կվիրինոն եւ 27-ամյա Ամանդա Կասիա Լոպեսը զբաղված էին հարսանիքին նախապատրաստվելով: Հետևաբար, երբ հանդիսավոր իրադարձությունից երեք օր առաջ սիրահարների տուն անսպասելիորեն բերվել են բաժակներ և մեկ տուփ շոկոլադ, նրանք որոշել են, որ ինչ-որ մեկը նախապես է նվեր ուղարկել:
Ոչինչ չկասկածելով հարսն ու փեսան որոշեցին քաղցրավենիքն ուտել, ինչպես նաև սկսեցին ուրիշներին հյուրասիրել և նույնիսկ մի երկու քաղցրավենիք տվեցին շանը, գրում է Daily Mail-ը: Բայց շուտով նրանք բոլորն սկսեցին իրենց վատ զգալ. զույգը, ևս երկու մեծահասակ և երկու տարեկան երեխա ծանր վիճակում շտապ հոսպիտալացվել են, իսկ կենդանին մահացել է:
Նախնական տվյալներով` հարսին հասցեագրված քաղցրավենիքը թույն էր պարունակում: Եվ դրանք ուղարկվել էին Դիոնի նախկին սիրելիի կողմից, որը չէր կարողանում համակերպվել բաժանման հետ: Իրավապահ մարմինների աշխատակիցները ստիպված կլինեն ստուգում անցկացնել՝ սարսափելի միջադեպի բոլոր մանրամասները պարզելու համար: