Նկարիչը գողացել է թանգարանի կողմից նկար ստեղծելու համար տրված գումարը և անվանել այն արվեստի գործ

Շատերի համար ժամանակակից արվեստը նույնիսկ ավելի անհասկանալի է դարձել Դանիայում տեղի ունեցած պատմության պատճառով: Կոնցեպտուալիստ նկարիչ Յենս Հանինգն իր նոր աշխատանքի համար Kunsten թանգարանից ստացել է 534 հազար դանիական կրոն (մոտ 6 միլիոն ռուբլի): Տղամարդը պետք է ստեղծեր երկու օբյեկտ, որոնք ցույց կտային Ավստրիայի և Դանիայի բնակիչների տարեկան եկամուտների տարբերությունը: Ըստ գաղափարի՝ նախատեսվում էր շրջանակների մեջ տեղադրել արժեթղթեր, որոնք կծառայեին որպես իրազննական պիտույքներ:

56-ամյա տղամարդը, բնականաբար, վերցրել է գումարը, բայց երբ որոշ ժամանակ անց թանգարանի աշխատակիցները ստացել են փաթեթը և բացել այն, գտել են միայն դատարկ շրջանակներ, իսկ գումարը անհետացել է: Նրանք բացատրություն են պահանջել նկարիչից, որն ի պատասխան ասել է, թե նոր օբյեկտը կոչվում է «Վերցրու փողը և փախիր»: Այն մարմնավորում է արվեստագետների ցածր եկամուտը, որոնց աշխատանքի համար թանգարաններն առաջարկում են ընդամենը կոպեկներ, գրում է dr.dk-ը.