Բացառել նահանջը՝ անկախ որևէ հանգամանքից. Արմեն Այվազյան

«Այլևս նահանջի տեղ չկա: Մենք արդեն Սյունիքում ունենք բավականին անպաշտպանունակ վիճակ, եթե վաղը թշնամին որոշի ավելի խոշոր ուժերով խոշոր հարձակման դիմել, այդ դեպքում Սյունիքի վիճակը միանգամից ծանրանալու է, հետևաբար ամեն մի դիրք, ամեն մի բլուր ունի ահռելի ռազմավարական նշանակություն»: Այս մասին «Հայելի» ակումբում Անժելա Թովմասյանի հետ զրույցում ասաց պատմաբան, քաղաքագիտության դոկտոր Արմեն Այվազյանը: 

«Հիմա շատ բան արդեն ասված է, մենք կարող ենք շարունակել քննադատել՝ ինչ է արվում պաշտպանական ոլորտում, թեկուզ այսօրվա որշումը Պաշտպանության նախարարի հեռացումը և նշանակումը»,- նշեց Այվազյանը:

Այվազյանի խոսքով՝ Արշակ Կարապետյանը ունեցել է երևի բազմաթիվ թերացումներ, բայց նա պրոֆեսիոնալ զինվորական է․ «Ես չեմ ասում՝ նա լավագույն թեկնածուն էր, բայց ամեն դեպքում նա եղել է զորքերում, ծանոթ է, անցել է այդ աստիճանակարգը. հիմա ո՞ւմ են նշանակել Պն նախարար և ի՞նչ է դա նշանակում: Պատերազմի ժամանակ ՊՆ նախարար նշանակել մեկին, որը երբեք չի եղել վաշտի հրամանատար, կամ երբեք զորքերում դիրք չի զբաղեցրել, որը պարզապես այդ բնագավառից գաղափար չունի՝ մի մարդ, որը հինգ տարի առաջ եղել է պատմության ուսուցիչ, այն էլ ոչ ստաժավոր ուսուցիչ: Սա ի՞նչ է նշանակում, նշանակում է, որ նպատակասլաց կերպով քանդվում է այդ համակարգը, որը ամենակայացածն էր և որին վստահում էր ժողովուրդ»,- հավելեց պատմաբանը: