ՀԱՊԿ-ը փրկեց Ալմաթին․ Ղազախստանի նախագահ

Ղազախստանի նախագահ Կասիմ-Ժոմարտ Տոկաևի որոշումը՝ լրացուցիչ ուժեր ուղարկել Ալմաթի, ներառյալ ՀԱՊԿ կոնտինգենտը, հանգեցրեց նրան, որ քաղաքը վերագրավվեց ահաբեկիչներից, հաղորդում է նախագահի մամուլի ծառայությունը օպերատիվ շտաբի նիստից հետո։

«Նախագահին զեկուցվել է, որ Ալմաթի լրացուցիչ ուժեր ուղարկելու իր որոշման շնորհիվ, այդ թվում՝ ՀԱՊԿ ուժերի խաղաղապահ զորախումբը, քաղաքը փրկվել և հետ է գրավվել ահաբեկիչներից»,- ասվում է հաղորդագրության մեջ։

Չորեքշաբթի օրը օպերատիվ շտաբի նիստն առաջին անգամ տեղի է ունեցել Ալմաթիում։