ՀԱՊԿ-ն Աֆղանստանում թմրամիջոցների ապօրինի շրջանառության դեմ պայքարի գործողություն կանցկացնի
Աշխարհ
Այս տարի Հավաքական անվտանգության պայմանագրի կազմակերպությունը երեք փուլ կանցկացնի Աֆղանստանի հետ սահմանի մերձակայքում թմրամիջոցների ապօրինի շրջանառության դեմ պայքարի համար, ասել է ՀԱՊԿ գլխավոր քարտուղար Ստանիսլավ Զասը, գրում է Ինտերֆաքսը։
«Մենք այս տարվա համար նախատեսված միջոցառումների մի ամբողջ շարք ունենք տարբեր ոլորտներում՝ ռազմական անվտանգություն, ահաբեկչության դեմ պայքար: Դրանք թմրամիջոցների ապօրինի շրջանառության դեմ պայքարի միջոցներ են: Թեման հատկապես կարևոր է Աֆղանստանի վերջին իրադարձությունների հետ կապված: Այնտեղ թմրանյութերի ապօրինի շրջանառության դեմ պայքարի մեկ գործողության երեք փուլ է պլանավորվում»,- «Ռոսիա 24» հեռուստաալիքի եթերում ասել է Զասը: Նրա խոսքով՝ «գործողությունների մի ամբողջ շարք» կիրականացվի 2022 թվականին։
«Այդ ծրագրերը կազմվել են՝ հաշվի առնելով իրավիճակը, որը ձևավորվում է ՀԱՊԿ պատասխանատվության ոլորտում և Դուշանբեում պետությունների ղեկավարների վերջին գագաթնաժողովում ընդունված որոշումները Հայաստանի առաջնահերթությունների շրջանակներում»,֊ասել է Զասը։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
