Բլինկենը նշել է, թե ինչ է ԱՄՆ-ն առաջարկել Ռուսաստանի Դաշնությանը
Աշխարհ
ԱՄՆ-ն Ռուսաստանին առաջարկել է Ուկրաինայի շուրջ ստեղծված իրավիճակի կարգավորման երկու ճանապարհ՝ դիվանագիտություն կամ հակամարտություն։ Այս մասին հայտարարել է ԱՄՆ պետքարտուղար Էնթոնի Բլինկենը, չորեքշաբթի՝ հունվարի 19-ին, հայտնում է РБК-Украина-ն։
Բլինկենի խոսքով՝ ԱՄՆ-ը փորձում է հակամարտությունը լուծել դիվանագիտական ճանապարհով։
«Ես չեմ կարող կարդալ ՌԴ նախագահ Վլադիմիր Պուտինի մտքերը: Բայց պետք է ասեմ, որ պետք է շարունակենք այն, ինչ անում ենք... Ռուսաստանը փորձում է իր ազդեցությունը պարտադրել իր հարևաններին», - ասել է Բլինկենը:
Նա ընդգծել է, որ Ուկրաինան և ԱՄՆ-ն պետք է գործեն առկա գործոնների հիման վրա։
«Ելնելով դրանից և գործընկերների հետ խորհրդակցություններից՝ մենք Ռուսաստանին երկու ճանապարհ առաջարկեցինք՝ դիվանագիտական՝ ամեն ինչ խաղաղ ճանապարհով լուծելու համար, և եթե Ռուսաստանը վերսկսի ագրեսիան, ապա մյուս ճանապարհը հակամարտությունն է, որը կունենա հետևանքներ։ Հիմա ակնհայտ է, որ նախապատվությունը տրվում է դիվանագիտությանը»,- ամփոփել է ԱՄՆ պետքարտուղարը։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
