Ուկրաինան «կոտրված տաշտակի առաջ» է հայտնվել․ Զախարովա

Եվրամիությունը Ուկրաինային չի վերաբերվում՝ որպես իրավահավասար գործընկերոջ, արևմտյան երկրների համար այն անկախ արժեք չի ներկայացնում։ Այն անհրաժեշտ է միայն՝ որպես Ռուսաստանի դեմ ցատկահարթակ, մինչդեռ Կիևի իշխանությունները, իրենց գործողություններով, քանդեցին Մոսկվայի հետ տնտեսական շահավետ հարաբերությունները, ինչի արդյունքում՝ Ուկրաինան այսօր հայտնվել է «կոտրված տաշտակի առաջ», ֊ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Ավաղ, սա սարսափելի է, բայց փաստ է, որ Ուկրաինան Արևմուտքի համար անկախ արժեք չի ներկայացնում, այն անհրաժեշտ է առաջին հերթին՝ որպես աշխարհաքաղաքական ցատկահարթակ Ռուսաստանի դեմ։ Այսինքն՝ ավաղ, ոչ մեկը Կիևի ռեժիմին որպես հավասարի չի վերաբերվում»,- ասել է Զախարովան։