Ռուս կինն իր բնակարանում 120 շուն է պահում
ԱյլՌԴ Սամարայի շրջանի Տոլյատի քաղաքի բնակչուհին իր բնակարանում ավելի քան 120 շուն է պահում։ Շաբաթ օրը՝ հունվարի 22-ին, հայտնում է NTV-ն։
Ռուս կինը նախկինում գումար է վաստակել մաքուր ցեղատեսակի ձագերի վաճառքով։ Նա սկզբում ձեռք է բերել բոլոնկա, տակսա, պուդել ցեղատեսակի ութ շուն: Սակայն նրանք սկսել են անվերահսկելիորեն բազմանալ, եւ ոչ ոք ձագեր չի գնել։ Որոշ նորածին ձագերի կերել են չափահաս շները:
Արդյունքում բնակարանում հայտնաբերվել է ավելի քան 120 կենդանի։ «Բոլորը փոքր են, կատվի չափ: Կան մեծահասակներ, և դեռահասներ, և լակոտներ: Շները վախեցած են։ Սոված, նիհարած»,- ասել են կենդանիների իրավունքների պաշտպանները։
17 կենդանու արդեն հասցրել են տեղավորել, կամավորները հույս ունեն փրկել մնացածին։