Մակրոնը նշել է Ուկրաինայում իրավիճակի կայունացման ժամկետը

Ֆրանսիայի նախագահ Էմանուել Մակրոնն իր ուկրաինացի գործընկեր Վլադիմիր Զելենսկու հետ բանակցություններից հետո հայտարարել է, որ Փարիզը նպատակ ունի կայունացնել Ուկրաինայի շուրջ իրավիճակը «առաջիկա շաբաթների ընթացքում», փոխանցում է ՏԱՍՍ-ը։

Ավելի վաղ Մակրոնը հայտնել էր, որ Ռուսաստանի և Ուկրաինայի ղեկավարների հետ իր հանդիպումների ընթացքում ստացել է երկու պետությունների՝ այսպես կոչված, մինսկյան համաձայնագրերին հավատարմության երաշխիքներ։ Նրա խոսքով՝ ՌԴ նախագահ Վլադիմիր Պուտինը խոստացել է չհրահրել Ուկրաինայում իրավիճակի սրում։ Մակրոնը նաև ընդգծել է, որ երկու երկրների ղեկավարների հետ բանակցությունները հնարավորություն են տվել առաջընթացի հասնել տարածաշրջանում անվտանգության ապահովման գործում։