Սպիտակ տունը բացահայտել է Պուտինի և Բայդենի զրույցի մանրամասները

ԱՄՆ նախագահ Ջո Բայդենը Ռուսաստանի առաջնորդ Վլադիմիր Պուտինի հետ հեռախոսազրույցում քննարկել է Ուկրաինայի հետ սահմանին ռուսական ուժերի ենթադրյալ կուտակումը և ասել, որ Վաշինգտոնը պատրաստ է ինչպես Մոսկվայի հետ հետագա դիվանագիտական ​​փոխգործակցության, այնպես էլ այլ սցենարների։ Այս մասին ասվում է Սպիտակ տան մամուլի ծառայության՝ շաբաթ օրը տարածած հայտարարության մեջ, հաղորդում է ՏԱՍՍ-ը։

Ըստ այդ տվյալների՝ Բայդենը Պուտինի հետ քննարկել է «Ռուսաստանի կողմից Ուկրաինայի հետ սահմաններին ռազմական ուժերի ավելացման հարցը»։ Սպիտակ տան ղեկավարը զգուշացրել է, որ ԱՄՆ-ն վճռական և արագ պատասխան կտա Ռուսաստանի Դաշնությանը` Ուկրաինա «ներխուժելու» դեպքում։ «Նախագահ Բայդենը նախագահ Պուտինին հասկացրեց, որ թեև ԱՄՆ-ն պատրաստ է դիվանագիտական ​​փոխգործակցության՝ մեր դաշնակիցների և գործընկերների հետ լիակատար համակարգմամբ, մենք հավասարապես պատրաստ ենք այլ սցենարների»,- ասվում է հայտարարության մեջ։

Սպիտակ տունը հայտնել է, որ Ռուսաստանի և ԱՄՆ-ի նախագահների զրույցն ավարտվել է շաբաթ օրը՝ Վաշինգտոնի ժամանակով 12:06-ին (Մոսկվայի ժամանակով 20:06-ին):

Ըստ ամերիկյան կողմի՝ զրույցը տեւել է ավելի քան մեկ ժամ։