Զելենսկին արտասահման մեկնած պատգամավորներին հորդորել է 24 ժամվա ընթացքում վերադառնալ Ուկրաինա

Ուկրաինայի նախագահ Վլադիմիր Զելենսկին Գերագույն Ռադայի` արտասահման մեկնած պատգամավորներին կոչ է արել 24 ժամվա ընթացքում վերադառնալ երկիր։
«Եվ իմ անունից կցանկանայի խնդրել, որ 24 ժամվա ընթացքում իրենց հարազատներից մի քանիսին տարել են այնտեղ (արտասահման-խմբ.), որպեսզի նրանք (պատգամավորները-խմբ.) ամեն դեպքում վերադառնան պետություն... կարծում եմ. որ նրանք պետք է վերադառնան, այլապես մենք բոլորս պետք է լուրջ հետևություններ անենք որպես պետություն, որպես ղեկավարություն»,- ասել է Զելենսկին։ Հեռարձակումն իրականացրել է Ուկրաինայի նախագահի գրասենյակը Facebook-ում։

Միաժամանակ, Ուկրաինայի նախագահը չի հստակեցրել, թե որ կուսակցության պատգամավորներն են լքել Ուկրաինան։ Զելենսկին նշել է, որ իշխանությունները, այդ թվում՝ խորհրդարանը, պետք է իրենց օրինակով ուկրաինացի ժողովրդին միասնության ազդանշաններ տան։

Զելենսկին, մեկնաբանելով երկրից օլիգարխների հեռանալը Ռուսաստանի Դաշնության կողմից հնարավոր էսկալացիայի մասին տեղեկատվության ֆոնին, ասել է, որ պետությունը չի կարող ազդել բիզնեսի վրա, Ուկրաինայի ղեկավարի խոսքով՝ գործարարները պետք է վերադառնան իրենց աշխատակիցների մոտ։

«Մեծ խնդիր կա նաև օլիգարխների հետ՝ այստեղ պետությունը չի կարող և չի ազդի բիզնեսի վրա, ես կարծում եմ, որ նրանք արդեն իրենց դատավճիռը կայացրել են, բայց կարծում եմ, որ պետք է վերադառնան իրենց ձեռնարկություններ, տասնյակ հազարավոր մարդկանց մոտ, ովքեր աշխատում են իրենց և պետության համար, նրանք ընտրել են այս ճանապարհը, սրանք հասարակ մարդիկ չեն, նրանք ՏՏ մասնագետ չեն, խոսքը գնում է լուրջ արդյունաբերական բիզնեսի մարդկանց մասին, նրանք բոլորը սեփականաշնորհման մասնակիցներ են եղել, պետությունն էլ նրանց մի բան է տվել։ Կարծում եմ՝ դա նրանց մեծ հնարավորություն տվեց»,- ասել է Զելենսկին: