ԱՄՆ-ը հիասթափված է Ադրբեջանում ընդունված «Մեդիաների մասին» օրենքից

Այն, թե ինչպես ընդունվեց «Մեդիաների մասին»  նոր օրենքը, «հիասթափություն» է առաջացնում։ Օրինագծի վրա աշխատելու ընթացքում հաշվի չեն առնվել այդ փաստաթղթի բարելավմանն ուղղված բոլոր շահագրգիռ կողմերի կարծիքները եւ փորձագետների առաջարկությունները։ Այս մասին փետրվարի 16-ին ճեպազրույցի ժամանակ հայտարարել Է Ադրբեջանում ԱՄՆ դեսպան Լի Լիցենբերգերը, փոխանցում է Turan-ը։

ԱՄՆ դեսպանատունը սերտորեն համագործակցում է կառավարության պաշտոնյաների, ԶԼՄ-ների եւ լրագրողների հետ։

«Մենք բացահայտ արտահայտել ենք մեր մտահոգությունը։ Շատ բան կախված կլինի այն բանից, թե ինչպես է կիրառվելու այդ օրենքը գործնականում։ Եթե իշխանություններն այն օգտագործեն մամուլի ազատությունը սահմանափակելու համար, դա շատ կհիասթափեցնի։ Իսկ եթե իշխանություններն օրենքը օգտագործեն այնպես, ինչպես խոստանում են՝ մամուլի մակարդակը բարձրացնելու եւ լրագրողների պրոֆեսիոնալիզմը բարձրացնելու համար, դա այլ բան է», - ասել է դեսպանը։

Այս թեմայով Ադրբեջանի ՊՆ հերթական ապատեղեկատվությունը․ ՀՀ ԶՈւ-ն կրակ չի բացել Կարևորվել է Ադրբեջանի հետ խաղաղության պայմանագրի՝ առանց արհեստական խոչընդոտների ստեղծման ու ձգձգման կնքումը Վեհափառը կոչ է արել միջազգային հանրությանն ու քույր եկեղեցիներին քայլեր ձեռնարկել՝ զսպելու Ադրբեջանին Ադրբեջանը հերթական նախապայմանն է իջեցնում. Տիգրան Աբրահամյան «Փաստ». Փոխանակ Հայաստանը պահանջի, դեռ մի բան էլ Ադրբեջանն է փոխհատուցման հարց բարձրացնում